غاية التعليمية يكتُب.. يا ترى إيه قصة عودة تصدير شحنات من الحديد والصلب المصري للخارج، وليه بتحصل لأول مرة بعد ما وقفت سنين طويلة، وإيه هي الفوايد أو المكاسب الاقتصادية من تحقيق الهدف، واللي جاي في الصناعة دي هيكون شكله إزاي.. هنقولك كل التفاصيل في الفيديو ده فتابعنا للآخر. 
 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الساعات الأخيرة، شركة الحديد والصلب للمناجم والمحاجر، التابعة للقابضة للصناعات المعدنية، أعلنها إنها نجحت في تصدير أول شحنة حديد للخارج خلال أواخر نوفمبر الماضي.

وأكدت كمان، إنها شغالة دلوقتي  على تحميل المنتجات التصديرية خلال شهر ديسمبر الجاري، يعني هتقدر تصدر كميات تانية بعد أول شحنة تصدير، وشركة الحديد والصلب للمناجم والمحاجر، كشفت كمان أن إجمالي الشحنات التصديرية وصل إلى 150 ألف طن بواقع 3 شحنات تصديرية، وده طبعا كلام جميل بيؤكد إن الحكومة المصرية وعدت وأوفت، فأكدت إن مصر هتبقى دولة مصدرة لكل الصناعات والبداية كانت من الحديد والصلب.

وبكده، تبقى شركة الحديد والصلب للمناجم والمحاجر، حققت مبيعات ب 42.7 مليون جنيه خلال نوفمبر الماضي، وده معناه إن مبيعات مناجم الواحات البحرية خلال نوفمبر وصلت ل 42.25 مليون جنيه.

ونقدر نقول إن قيمة مبيعات محاجر بنى خالد اللي موجودة في سمالوط بمحافظة المنيا، سجلت نحو 8918 جنيهاً، فيما بلغت مبيعات محاجر الأدبية اللي في السويس حوالي 373.5 ألف جنيه.

نيجي بقى لنتائج أعمال شركة الحديد والصلب للمناجم والمحاجر، فسجل الربع الأول من العام المالي الجاري 2024-2025، صافي ربح بلغ 23.75 مليون جنيه خلال الفترة من يوليو حتى نهاية سبتمبر 2024، مقابل 28.34 مليون جنيه أرباح خلال الفترة المقارنة من 2023، بقيمة تراجع 4.6 مليون جنيه، بنسبة تراجع 16.2%.

كمان، ارتفعت إيرادات شركة الحديد والصلب للمناجم خلال ال 3 أشهر إلى 84.25 مليون جنيه، مقابل 69.89 مليون جنيه خلال نفس الفترة من 2023.

وطبعا معروف إن شركة الحديد والصلب بإنها شركة مساهمة مصرية مدرجة في البورصة المصرية، واتأسست عام 2021 بقرار رقم 1 المنشور بالجريدة الرسمية في 18 فبراير 2021، وكان الغرض من تأسيس الشركة استخراج واستغلال خام الحديد وكافة الخامات المعدنية وخامات المحاجر والإتجار فيها داخليا وخارجيا واستغلال مناطق عمل الشركة تجاريا وصناعيا وزراعيا وسياحيا، بهدف تحقيق الربح، وعمل دراسات الجدوى الاقتصادية للخامات المعدنية بمناطق البحث والمشروعات التعدينية داخل جمهورية مصر العربية وخارجها.

والشركة كمان لها فروع بالواحات البحرية،  وهي مناجم الواحات البحرية ومحاجر بني خالد المنيا سمالوط ومحاجر الأدبية بالسويس وكذلك فرع أسوان، وبرضو بتمنالك الشركة القابضة للصناعات المعدنية نحو 82.481% من أسهم شركة الحديد والصلب للمناجم والمحاجر.

وطبعا الكلام ده بيؤكد إن الفترة الجاية هتشهد زيادة في تصدير الحديد والصلب للخارج عشان مصر تؤكد أنها من الدول الرائدة في هذا المجال من ناحية، وكمان نعظم الفرص لانعاش الاقتصاد المصري من ناحية تانية.