غاية التعليمية يكتُب.. كتير بيسأل مصر رايحة على فين.. وايه اللي بيحصل على أرض الواقع دلوقتي وايه اللي كشفه لقاء مدبولي ووزير الإسكان.. خليكم معانا للآخر وهتعرفوا التفاصيل.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

ناس كتير مركزة على الاخبار السلبية في الاقتصاد رغم أن الأزمات مستورده من بره والحكومة ملهاش يد فيها لانها صراعات خارجية وأثرت على مصر بشكل كبير ودا بسبب ارتفاع الأسعار عالمياً بشكل غير مسبوق وبعدها مصر فقدت اكتر من نص إيرادات قناة السويس ودا غير أزمة الدولار اللي ظهرت بعد خروج المليارات الساخنه وظهور السوق السودا للعملة ودا كلنا شفناه وعيشناه لكن في نفس الوقت لازم نعرف إن الصورة مش سيئة ولا محبطة بالعكس مصر بتجري في التنمية الاقتصادية وفي معدلات النمو وخرجت اقوى من الأول  وفتحت أبواب الاستثمار والتصنيع والزراعة والتطور وماشية في كل القطاعات.

ولو عاوز تعرف إيه الي بيحصل من مشروعات هنقولك امثلة في قطاع واحد بس وهو قطاع الإسكان والتطوير العقاري ومن ساعات الدكتور مصطفى مدبولي، رئيس مجلس الوزراء، اجتمع مع المهندس شريف الشربيني، وزير الإسكان والمرافق والمجتمعات العمرانية، لمتابعة الموقف التنفيذي لعددٍ من المشروعات.

وزير الإسكان والمرافق والمُجتمعات العمرانية استعرض موقف عدد كبير جدا من المشروعات اللي هتغير شكل مصر منها مُبادرة بيتك في مصر، اللي بتستهدف المصريين العاملين والمُقيمين بالخارج، والمُخطط فتح باب الحجز بها بداية شهر فبراير 2025 وعدد الوحدات المُقترحة للطرح بالمبادرة 5055 وحدة وفيلا سكنية، في مُدن العلمين الجديدة، والعاصمة الإدارية الجديدة، والمنصورة الجديدة، والسادس من أكتوبر، والشيخ زايد، وسور مجرى العيون، والقاهرة الجديدة، والعبور الجديدة، والسويس الجديدة وطبعا دا هيفتح الباب لتحصيل دولارات كتير من مورد جديد.

الوزير استعرض كمان  تفاصيل مشروع مارينا الساحل الشمالي والفرص الاستثمارية بمارينا وبينها فرص لإقامة فيلات وشاليهات بعدة مناطق مقترحة بمركز مارينا العلمين السياحي، بجانب قطع أراضي تُمثل فرص لمشروعات استثمارية متنوعة في المجال السياحي والفندقي والتجاري والخدمي، في ظل مزايا هذه المنطقة الواعدة.

مدبولي ناقش مع وزير الإسكان خطط طرح عدد كبير  من الأراضي المقترحة للتنمية المستقبلية الواقعة على طول الساحل الشمالي الغربي وتناول الوزير الموقف التنفيذي لعدد من المشروعات اللي بيتم تنفيذها بالعاصمة الإدارية الجديدة، منها الموقف التنفيذي بمنطقة الأعمال المركزية، والنهر الأخضر، والأحياء السكنية بجانب أعمال المرافق والبنية الأساسية، وأعمال الطرق وتنسيق الموقع العام.

النهاردة مصر بتعمل حاجة عظيمة في القطاع السياحي وهو مشروع التجلي الأعظم بمدينة سانت كاترين واللي هينقل مصر سياحيا في حتة تانية وهيغير خريطة الجذب السياحي في المنطقة ودا غير مشروعات تطوير وسط القاهرة زي مشروع تطوير منطقة مثلث ماسبيرو، وتطوير منطقة سور مجرى العيون، ومشروع تطوير حديقة الأزبكية التراثية، وممشى أهل مصر بمراحله الأربع، ومشروع حدائق الفُسطاط واللي هيغير شكل القاهرة الإسلامية بشكل تام وهيخلق عامل جذب كبير جدا في تطوير منطقة مصر القديمه كلها بكل آثارها ومبانيها التاريخية.

كل المشروعات دي في مجال واحد بس بتقول إن مصر جميلة ورايحة في حتة تانية ومش بتسمع للاخبار السلبية ومفبش حاجة بتوقفها وفي كام سنة مصر هتكون وحش إقتصادي ومالي في المنطقة.