غاية التعليمية يكتُب.. إزاي مصر بتخطط تغيّر قواعد اللعبة في الصناعة؟ وإيه المبادرة الجديدة اللي الحكومة أطلقتها بـ30 مليار جنيه لدعم المصانع؟ وازاي القطاعات الصناعية هتستفيد من الحوافز دي؟

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الحكومة المصرية أطلقت مؤخرا مبادرة جديدة لدعم القطاعات الصناعية ذات الأولوية..  ومش أي دعم.. ده دعم بحجم 30 مليار جنيه.

والسؤال هنا.. المبادرة دي هتعمل إيه؟ ومين اللي هيستفيد منها؟

المبادرة دي تم الإعلان عنها في الاجتماع الـ14 للمجموعة الوزارية للتنمية الصناعية.. والهدف الأساسي إنهم يقدّموا تسهيلات تمويلية للشركات الصناعية اللي محتاجة تجدد معداتها أو تشتري آلات جديدة.. وكل ده عشان نرفع الإنتاجية ونقوّي الاقتصاد.

7 قطاعات صناعية أساسية هتستفيد من المبادرة دي هي بالترتيب  الصناعات الغذائية، الأدوية، الهندسية، الكيماوية، الملابس الجاهزة والغزل والنسيج، التعدين، ومواد البناء.. وباختصار دي القطاعات اللي بتمثّل عصب الاقتصاد المصري.

طيب، ليه المبادرة دي مهمة؟

الحكومة شايفة إن الصناعات دي هي المفتاح لتعزيز النمو الاقتصادي وزيادة فرص العمل وتقليل الاعتماد على الاستيراد.. كمان  المبادرة دي موجهة بشكل خاص للمناطق اللي محتاجة تنمية أكتر زي الصعيد والمحافظات الحدودية عشان التنمية تكون موزّعة بشكل عادل.

بس المفاجأة مش هنا.. وزارة المالية قررت إنها تتحمّل فارق سعر الفايدة.. وده معناه إن الشركات هتستفيد من تمويل بفائدة مدعمة بنسبة 15% بس لمدة 5 سنين.. وكمان فيه حوافز إضافية بتوصل لخفض 2% للفائدة للشركات اللي هتنتج منتجات جديدة أول مرة تتعمل في مصر أو اللي بتعتمد على استيراد كبير.

طب وإيه الشروط للاستفادة من المبادرة دي؟

الشروط بسيطة ومنها ان التمويل ما يزيدش عن 75 مليون جنيه للعميل الواحد أو 100 مليون جنيه للأطراف المرتبطة.. والشركات لازم تكون عندها تراخيص بناء وإنشاءات مكتملة.. ومطلوب فتح اعتمادات لاستيراد المعدات أو تقديم فواتير محلية معتمدة.. وده كله بهدف ضمان إن التمويل يُستخدم فعلاً في تحسين الصناعة مش في سداد ديون قديمة.

ومش بس كده.. الشركات اللي هتزود القيمة المضافة المحلية في منتجاتها هتاخد حوافز أكتر مثلاً: لو زودت القيمة المضافة بنسبة 10% أو أكتر هتحصل على خفض إضافي في الفايدة بنسبة 1.5%. يعني اللي هيشتغل أكتر ويطور نفسه.. هيكسب أكتر.

والمبادرة دي مش لوحدها.. دي واحدة من 3 مبادرات شغالة لدعم الصناعة.. الأولى كان أطلقها البنك المركزي لتمويل الآلات.. والتالتة هي إنشاء صندوق لدعم المصانع المتعثرة اللي شغال عليه البنك المركزي دلوقتي.

فى النهاية .. هل المبادرة دي هتقدر فعلاً تحقق التغيير المطلوب في الصناعة المصرية؟ وهل المصانع هتقدر تستغل الفرصة دي صح؟ الإجابة هتظهر في الفترة الجاية.. بس الواضح إن الحكومة ما بتهزرش في دعم الصناعة وتحقيق تنمية اقتصادية شاملة.