غاية التعليمية يكتُب.. العالم كله حاليا بيحتفل بأعياد راس السنة الكريسماس واللي بتكون فيها احتفالات عالمية، ومصر واحدة من الدول اللي بيكون عليها اقبال سياحي كبير في راس السنة.. ياتري نسب الاشغالات الساحية وصلت عندنا لكام... والتوقعات نوصل بعدد السياحة لكام مليون سائح.
 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

ساعات قليلة جدا وتبدأ احتفالات اعياد راس السنة خفي كل دول العالم احتفالا بالعام الميلادي الجديد، وطبعا دي بتكون مناسبة للناس علشان تحتفل بسنة ميلادية جديدة، والمناسبة دي بتكون واحدة من الحاجات اللي الدول السياحية الكبري زي مصر بتستغلها علشان تجذب عدد كبير من السياحة الدولية للنزول لمصر وقضاء وقت بين اثارها الفريدة في عطلات راس السنة، ويحتفلوا ببداية سنة جديدة في مكان آثري مميز علشان تفضل ذكري عالقة في دماغهم طول العمر.

طيب اية اخبار التوافد السياحي علي مصر في اعياد راس السنة؟.
محمد فاروق عضو الاتحاد المصرى للغرف السياحية، قال أن احتفالات الكريسماس ورأس السنة بتمثل فرصة ذهبية لتنشيط السياحة وأن جميع الفنادق بتبذل جهود كبيرة لتقديم تجربة فريدة للسائحين، خصوصا أن النوع ده من الفعاليات مش مقتصر على كونها موسم احتفالي، ولكن بيعزز مكانة المدن المصرية كوجهات سياحية عالمية وبيدعم الاقتصاد المحلي.

عضو الاتحاد المصرى للغرف السياحية كمل كلامه وقال أن معدلات الاشغالات السياحية بالفنادق المصرية خصوصا في القاهرة كاملة العدد، وجدواول رحلات الطيران المسجلة في المطارات المصرية الدولية بتسجيل معدلات غير مسبوقة في حركة الطيران الدولي من مختلف دول العالم وعلي رأسهم السائحين من ألمانيا وروسيا وأنجلترا ودول شرق أوربا والدول الاسكندنافية.

فاروق قال كمان إن نسبة إشغال الفنادق بالسياح زادت السنة دي بنسبة 20% عن السنة اللي فاتت، وأن احتفالات رأس السنة ضاعفت عدد السياح في الاسكندرية ومطروح والغردقة ومرسى علم و شرم الشيخ وأسوان  خصوصا في ظل حالة الاستقرار اللي موجودة حاليا في حالة الطقس، ووصلت نسبة الاشغال فى الاقصر وأسوان الى 85% .

طيب اية اسباب الزيادة الكبيرة في عدد رحلات السائحين اللي في طريقهم لمصر لقضاء احتفالات الكريسماس؟.

عضو الاتحاد المصري للغرف السياحية، قال أن السبب الرئيسي في زيادة عدد الرحلات السياحية علي مصر كانت القرارات اللى إتخذتها اللجنة السياحية لمشاركة القطاع الحكومى بكل جهاته وممثلى القطاع الخاص والاستماع إلى المستثمرين ، وده بياكد جدية الحكومة في سرعة تنفيذ القرارات المتعلقة بصناعة السياحة، وأن السياحة هي قاطرة التنمية الحقيقية لمصر ولازم تحقق طفرة حقيقة فى الاقتصاد المحلى، وبيأكد عزم الحكومةً على النهوض بالقطاع السياحي والوصول إلى مستهدفات الدولة و خطتها للوصول إلى ٣٠ مليون سائح بعوائد ٣٠ مليار دولار في 2028.

عضو الاتحاد المصرى للغرف السياحية، اختتم كلامه وطالب بسرعة تنفيذ القرارات الخاصة بتوحيد جهات تحصيل الرسوم من المشروعات السياحية خصوصا أن النقطة دي هتحفز الاستثمارات الأجنبية المباشرة علي مصر وهتكون مصر واحدة من ابرز الدول اللي عليها طلب عالمي لدخول الاستثمارات الأجنبية المباشرة.