غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

يا ترى إيه أحسن كارت ائتمان ممكن تستخدمه؟ الكارت اللي يخليك تكسب وانت بتشتري؟ وإيه بقى الفرق بين الكروت المتاحة؟ وإزاي تختار الأفضل ليك؟

فى  2025 فيه منافسة قوية جدًا بين البنوك في إصدار بطاقات ائتمان متنوعة بميزات تناسب كل الاحتياجات

بس قبل ما نقولك ايه افضل بطاقة ائتمان.. خلينا نقولك  إيه أصلا أهمية كارت الائتمان؟

بص يا سيدي.. بطاقة الائتمان مش مجرد وسيلة دفع دي أداة مالية بتفتحلك أبواب كتير.. سواء كنت بتحب الشراء أونلاين أو بتحجز رحلات وسفر أو حتى بتدور على تسهيلات سداد في الشراء.. الكارت المناسب ممكن يوفرلك نقاط كاش باك أو حتى خصومات على كل حاجة بتشتريها

طب ايه أبرز البنوك وإيه اللي بيميز الكروت بتاعتها؟

البنك الأهلي في 2025 مستمر في تقديم بطاقة "فيزا بلاتينيوم" اللي تعتبر واحدة من الأقوى في السوق..  لأنها بتوفر فترة سماح تصل لـ 55 يوم على المشتريات ونقاط مكافآت على كل جنيه بتصرفه، ودي تقدر تستبدلها بخصومات أو خدمات.. وكمان سعر فائدة منافس جدًا على السداد المريح بالتقسيط.

و لو بتدور على كارت يجمع بين المكافآت والسفر بطاقة "تيتانيوم" من بنك مصر هتناسبك وبتقدملك خصومات على حجوزات الطيران والفنادق خدمة "الكاش باك" اللي ترجعلك جزء من فلوسك مع كل عملية شراء وتأمين مجاني على السفر

ومفيش كلام عن بطاقات الائتمان من غير ما نجيب سيرة كارت "ماستركارد World" من CIB.. ده كارت مميز جدًا للعملاء اللي بيحبوا السفر لأنه بيقدم دخول مجاني لـ1200 صالة انتظار في مطارات العالم وحماية مشتريات وتأمين ضد السرقة وبرنامج نقاط قوي اسمه "Smart Wallet".

زمن البطاقات الفاخرة في السوق – كارت فيزا إنفينيت من بنك QNB.. الكارت ده مناسب للأشخاص اللي بيحبوا يعيشوا تجربة الـVIP وببشمل تأمين سفر شامل وخصومات على السيارات الفارهة وتأجيرها وخدمة عملاء مخصصة على مدار الساعة

طب إزاي تختار الكارت المناسب ليك؟

لو انت شخص بتهتم بالسفر الكروت اللي بتقدم مزايا في الطيران والتأمين على السفر هتناسبك أكتر.. أما لو بتشتري كتير أونلاين دور على الكروت اللي بتقدم كاش باك أو حماية إضافية للمدفوعات وفي كل الأحوال لازم تسأل نفسك شوية أسئبة زي :

هل هتقدر تسدد الفاتورة الشهرية بالكامل؟
إيه هي مصاريف الكارت السنوية، وهل بتتناسب مع استخدامك؟

ميجي حاجة مهمة جدًا إيه الجديد في 2025؟

البنوك في 2025 ركزت على تقديم برامج تقسيط ميسرة جدًا.. يعني تقدر تشتري أي حاجة وتسدد على 6 شهور أو سنة بدون فوايد، وفي بعض الأحيان بفوايد بسيطة جدًا.. كمان الكروت الجديدة بقت متوافقة مع المحافظ الإلكترونية، يعني تقدر تربطها بـ Apple Pay أو Google Pay وتستخدمها بكل سهولة

طب إيه اللي يفرق بين بطاقة ائتمان وبطاقة الخصم؟ وهل فعلًا كل الناس محتاجة بطاقة ائتمان؟

ده سؤال مهم جدًاوبيحتاج منك تفكير.. لكن اللي أكيد هو إن استخدام بطاقة الائتمان بشكل صح هيساعدك تحقق أقصى استفادة من فلوسك

نصيحة أخيرة.. قبل ما تختار الكارت قارن بين البطاقات المتاحة في السوق شوف مميزاتها وقارن الرسوم اللي عليها والأهم استغل العروض والبونص اللي بتقدمها البنوك أول ما تقدم على الكارت