غاية التعليمية يكتُب.. مصر كل يوم بتكبر وبتنور أكتر في كل المجالات والتوقعات الدولية بتققول الوحش المصري قادم في الطاقة والتصنيع والتصدير والمواني والتجارة والسياحة والتنمية.. وخد الكبيرة مصر راجعة تاني في صدارة الدول اللي هتسيطر على سوق الغاز.. تعالي نعرف إزاي وليه

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

رئيس الوزراء الدكتور مصطفى مدبولي، كشف مفاجأة سارة جدا في أخر كام ساعة لما قال إن معدلات الإنتاج في حقل ظهر الكبير في البحر المتوسط هيرجع لنفس مستوياته السابقة بعد حوالي 6 شهور من دلوقتي يعني في نص السنة الجاية 2025.

وزي ما احنا عارفين إن حقل ظهر دا ظهر في وقت مهم جدا كانت مصر منطلقة فيه اقتصاديا والرئيس السيسي وقتها قال ياريت كان عندنا 100 حقل زي ظهر لان مصر لسه قدامها كتير في طريق التنمية الطويل ولو فاكرين مصر صدرت بأكتر من 8 مليار دولار غاز من حقل ظهر في سنة واحدة قبل ما الاستهلاك المحلي يزيد بشكل جنوني مع موجات الحر وصادف انخفاض معدلات الانتاج في الحقل بعد مرور 6 سنين ودا غير إن الشركات الاجنبية كان ليها مستحقات متأخرة ودا وقف عمليات تنمية الحقل مؤقتا .

لكن االلي حصل إن الحكومة سددت أغلب المستحقات دي للشركات الأجنببية في مجال التنقيب عن البترول واللي رجعت تشتغل من تاني في الحقول وأولها حقل ظهر وبدأت الشركات في تطوير الحقل القديم وكمان تحفر آبار جديدة حوليه وفيه بشابر مهمة جدا.

وحقل ظهر عشان نبقى عارفين مشروع مشترك بين شركات "إيني" و"بي.بي" وروسنفت الروسية ومبادلة للطاقة الإماراتية بالإضافة إلى الشركة المصرية القابضة للغازات الطبيعية (إيجاس) وبتديره شركة بتروبل، وهي مشروع مشترك بين إيني الإيطالية والمؤسسة المصرية العامة للبترول المملوكة للدولة.

وزير البترول والثروة المعدنية كريم بدوي سبف وقال إن حقل ظهر للغاز الطبيعي بالبحر المتوسط هيشهد أعمال حفر آبار جديدة من خلال شركة إيني الإيطالية خلال الفترة الجاية
بالارقام وصل إجمالي الاستثمارات في حقل ظهر إلى 12 مليار دولار لغاية دلوقتي ومن المتوقع توصل 15 مليارا خلال الـ3 سنين الجاية، وأن العمل بدأ لحفر البئر رقم 20 بالحقل باستثمارات 70 مليون دولار.ز
بعيد عن حقل ظهر وزارة البترول المصرية اعتمدت أكبر خطة في تاريخ مصر للتنقيب عن البترول والغاز في مناطق بتغطي الجمهورية كلها من أول اسكندرية لغاية أسوان وفيه شركات عالمية حصلت على حقوق التنقيب وفيه بشاير كويسة جدا ظهرت في أكتر من منطقة وكل يوم نسمع عن اكتشافات جديدة وأكيد لما خريطة الانتاج تكمل مصر هترجع تاني تسيطر على سوق الطاقة بالبحر المتوسط.