غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

معروف إن مدينة شتوتجارت هي عاصمة الصناعة الالمانية وفيها 1500 شركة صناعية ومقر لعدد كبير من الشركات الصناعية الألمانية والعالمية في مجالات صناعة السيارات، والأجهزة الكهربائية والميكانيكية، وتقنية المعلومات، زي مرسيدس وبورشه وبوش وسيمنز ولينوفو وكوداك.. إيه علاقتها بشتوتجارت الألمانية وإيه حكاية إن مصر بتعمل مدينة مشابهة ليها..  وإيه حكاية مدينة العاشر من رمضان الجديدة والألفين مصنع.. كل دا هنعرفه مع حضراتكم في التقرير دا خليكم معانا للنهاية

الحكومة داخله دلوقتي في تحد كبير ورفعت شعار نكون أو لا نكون بخصوص توطين الصناعة وإنشاء المناطق الصناعية الجديدة والمرة دي الدولة ناوية بجد يكون عندها صناعة حقيقية وكبيرة ومتطورة وتقدر تصدر منها بأرقام كبيرة.

طيب ايه الجديد في ملف الصناعة؟
الجديد مش محتاج شرح كتير وشفنا على مدار الشهور اللي فاتت بعد تولي الفريق كامل الوزير مسئولية وزارة الصناعة وشفنا الحراك اللي تم فيها والمشكلات اللي اتحلت والسوق اللي اتفتح قدام المستثمرين والمصنعين ودلوقتي تقدر تاخد موافقة على إنشاء مصنع في ظرف ساعتين بعد ما كان ياخد شهور وأحيانا سنين بسبب الروتين ووزارة الصناعة مش شغالة بس على تشجيع إنشاء المصانع الجديدة دي كمان بتعيد الحياة للمصانع القديمة وشفنا إزاي مصر كلها فرحت بعودة النصر للسيارات للإنتاج والعمل وبعدها شركة النصر للمسبوكات وغيرها من القلاع الصناعية اللي هترجع يدور مكنها من تاني بعد تحديث خطوط الانتاج.

اومال إيه حكاية الألفين مصنع الجديد ومدينة العاشر من رمضان الجديدة؟

شوف ياسيدي مدينة العاشر من رمضان من أهم المدن الصناعية في مصر وافريقيا وكفاية تعرف إن فيها 4 الاف مصنع بتصنع كل اللي يخطر على بالك من الإبرة للصاروخ زي ما بيقولوا..  ودلوقتي الدولة قررت تعمل مدينة جديدة وهتكون امتداد للعاشر من رمضان يعني تقدر تقول عليها كده مدينة العاشر من رمضان 2 ودا بسبب كتر طلبات إنشاء مصانع جديدة والمدينة الحالية شبه اكتفت مرافقها وعشان كده كان فيه حاجة ملحة لإنشاء مدينة جديدة تضم المصانع اللي قدمت طلبات للحصول على الاراضي.

الحكاية كشفت عنها جمعية مستثمري العاشر من رمضان لما قالت إنها تلقت أكتر من ألف طلب من مستثمرين محليين، لتخصيص أراضي مرفقة داخل المنطقة الصناعية بالعاشر وإن الحكومة شغالة دلوقتي على إقامة منطقة امتداد ليها، لاستيعاب الطلبات الاستثمارية الجديدة ودا غير ألف مصنع تانية تحت الإنشاء في المدينة الحالية يعني بنتكلم في ألفين مصنع هتدخل الخدمة في خلال سنة أوسنتين بالكتير.

جمعية مستثمري العاشر من رمضان قالت إنها بعتت الطلبات اللي تلقتها إلى الهيئة العامة للتنمية الصناعية لتولي حصرها ودا تمهيدا لتخصيص الأراضي المطلوبة بعد الانتهاء من أعمال الترفيق الخاصة بالمرحلة الأولى لمنطقة امتداد العاشر من رمضان.

حسب الأرقام اللي كشفتها جمعية المستثمرين الحكومة حاليا بتوفر  أراضي بمساحة تتجاوز 35 ألف فدان لتوسعة المناطق الصناعية بمدن العاشر من رمضان والسادات وجمصة وكوم أبو راضي وبياض العرب،

وحسب الأرقام بردو وزارة الصناعة بتسهدف تنفيذ توسعات المدينة الصناعية بالعاشر من رمضان على 3 مراحل بواقع 13 ألف فدان في المرحلة الأولى، و12 ألف فدان في المرحلة الثانية، و6 آلاف فدان في المرحلة التالتة وشملت طلبات التخصيص الأخيرة صناعات في مختلف القطاعات الصناعية، خاصة الصناعات المغذية والهندسية، بجانب الأغذية والأدوية والكيماويات.