غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

فكرت قبل كده إزاي البنوك ممكن تساهم في دعم قطاع حيوي زي الطاقة؟ وهل تعرف إن البنك التجاري الدولي (CIB) ساهم بمبلغ ضخم في تمويل مشترك لصالح شركة مصر للبترول؟ طب إيه تأثير التعاون ده على الاقتصاد المصري؟ وأزاى النوع  ده من الصفقات ممكن يغير مستقبل السوق المحلي والخارجي؟

في خطوة هامة لمستقبل الطاقة في مصر أعلن البنك التجاري الدولي (CIB) عن مشاركته بمبلغ 2 مليار جنيه في تمويل مشترك لصالح شركة مصر للبترول..  وده في إطار تحالف مصرفي ييضم 9 بنوك مختلفة بقيادة البنك الأهلي المصري.. والمشاركة دي مش يش دعم مالي لكنها رسالة قوية من البنوك المصرية في دعم الاقتصاد الوطني وخصوصًا قطاع حيوي زي قطاع الطاقة

السؤال المهم .. ليه شركة مصر للبترول تحتاج تمويل كبير زي ده؟ وايه الهدف من التمويل ده؟

الإجابة بسيطة... الشركة بتسعى لتعزيز مكانتها التسويقية وتوسيع قدرتها على تأمين إمدادات الوقود للسوق المحلي والخارجي ده غير أنها بتستهدف زيادة المخزون الاستراتيجي للمنتجات البترولية ومع التوسع ده مش هتقدر الشركة تعيش على الميزانية العامة للدولة أو تحميلها أعباء مالية إضافية.. يعني التمويل ده بيدعم الشركة في التوسع والنمو بدون ما يحمل الدولة أعباء جديدة

أما عن التحالف المصرفي نفسه، فإحنا بنتكلم عن مجموعة من البنوك الكبرى في مصر وعلى راسها التجارى الدولى ومعاه بنوك تانية مهمة زي البنك الأهلي المصري، بنك قطر الوطني، البنك العربي الإفريقي الدولي، بنك القاهرة، وغيرها من البنوك المهمة.

وكل بنك من دول كان ليه دور مهم في هذا التحالف البنك التجاري الدولي كان له دور أساسي كـ "المرتب الرئيسي الأول" وضامن التغطية يعني دوره كان حيوي في تنظيم التمويل والتأكد من تغطيته بشكل جيد

طي ايه هي شروط القرض؟

القرض ده هيكون موجه لتمويل نشاط شركة مصر للبترول ولكن المده اللي هيتسدد فيها القرض هتكون خمس سنين بمجموع 10 مليار جنيه مصري.. وبالنسبة للتوزيع بين البنوك فكل بنك شارك بحصة حسب قدرته المالية فمثلًا البنك الأهلي المصري شارك بحصة 750 مليون جنيه والبنك التجاري الدولي شارك بمبلغ 2 مليار جنيه، بالإضافة إلى المبالغ اللي ساهم بيها باقي البنوك.

الصفقة دي تعتبر خطوة هامة في تعزيز التعاون بين المؤسسات المالية وقطاع الطاقة في مصر.. وعمرو الجنايني، نائب الرئيس التنفيذي للبنك التجاري الدولي، أشار أكد إن التعاون ده بيعكس رؤية التحالف المصرفي في دعم الاقتصاد الوطني وخصوصًا في قطاع الطاقة اللي بيعتبر من القطاعات الاستراتيجية في أي دولة

لكن السؤال الأهم: هل البنوك دي هتستمر في تقديم الدعم لقطاع الطاقة؟ وهل ده بداية لمرحلة جديدة من التعاون بين القطاع المصرفي وقطاعات حيوية تانية زي الزراعة والصناعة؟

الحقيقة إن التمويل ده مش مجرد قرض بل هو إشارة لمستقبل مشرق لشراكات أكبر في المستقبل|.. وشركة مصر للبترول  أكدت على أهمية التمويل ده في تعزيز مكانتها وزيادة قدرتها على تلبية احتياجات السوق المحلي… وأكد المهندس محمد ماجد بخيت رئيس مجلس إدارة شركة مصر للبترول أن التمويل جزء من جهود الشركة لضمان استمرارية إمدادات الوقود بشكل آمن ومستدام للمواطنين في كل أنحاء مصر.

الخلاصة .. الصفقة دي، مش بس تمويل لشركة واحدة لكن خطوة جادة نحو تحقيق نمو مستدام ودعم شامل للاقتصاد المصري. وهي بتعكس الوعي الكبير من البنوك المصرية بالدور الهام اللي بيلعبوه في دعم القطاعات الاستراتيجية اللي ليها تأثير مباشر على حياة المواطنين من توفير الوقود لأهم الصناعات وحتى تعزيز المخزون الاستراتيجي للدولة