غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

يا ترى إيه اللي هيحصل للدولار والدهب في مصر بعد قرار خفض الفايدة الأمريكية؟ وليه قرار زي ده ممكن يكون ليه تأثير مباشر على جيبك وعلى اقتصادنّا ككل؟ الحقيقة إن الموضوع ده أكبر من مجرد أرقام وبيأثر في كل شيء من حياتك اليومية لحد استثماراتك الكبيرة.. وفي التقرير التالي هنتكلم عن تأثير قرار الفيدرالي الأمريكي بتقليل سعر الفائدة على الاقتصاد المصري، سعر الدولار، ودهبك اللي عمال يطير سعره كل شوية. هتكتشف إزاي ده كله مرتبط ببعضه، وهقولك إزاي تقدر تتعامل مع الوضع ده في الفترة الجاية

قرار الفيدرالي الأمريكي بخفض سعر الفايدة بنسبة ربع نقطة مئوية بيوصل دلوقتي لحدود بين 4.25% و4.50%. طب إيه تأثير ده على الاقتصاد المصري؟

خفض الفايدة الأمريكي مش بيأثر بس على البنوك الأمريكية أو حتى الدول الكبرى. لأ.. ده ليه تأثيرات مباشر علينا هنا في مصر وأهمها إن القرار ده بيساعد في تخفيف عبء الدين الخارجي المصري واللي وصل لأرقام مهولة في حدود 160 مليار دولار والمبلغ ده بيكلفنا كتير في خدمة الدين لكن مع انخفاض الفائدة على الدولار ده  بيقلل من الضغط على الاقتصاد المصري

كمان بيخلق فرصة قوية لصناع القرار في مصر علشان يحافظوا على أسعار الفائدة الحقيقية الإيجابية وده شيء مهم جدًا علشان يقدروا يجذبوا استثمارات أجنبية جديدة في أدوات الدين زي أذون الخزانة.. مش بس كده ده بيخلي الأسواق الناشئة زي مصر تتحول لمناطق جذب للمستثمرين خصوصًا إن الدول المتقدمة بتقدم عوائد منخفضة فالمستثمرين بدأوا يتحركوا نحو الأسواق دي

طب ايه تاثير القرار على الدهب والدولار في مصر؟

من المتعارف عليه إن الدولار عامل مهم جدًا في الاقتصاد المصري و لما سعر الدولار يرتفع ده بيؤدي لارتفاع الأسعار في كل حاجة بداية من المواد الغذائية لحد أسعار السلع المستوردة.. واللي بيحصل دلوقتي في السوق إننا بنشوف انخفاضات مستمرة في قيمة الجنيه مقابل الدولاروده بيأثر مباشرة على معدلات التضخم.. يعني ببساطة لما الدولار يرتفع أسعار كل حاجة بتطلع والتضخم يزيد وده بيأثر على قدرتنا الشرائية

أما بالنسبة للدهب.. فالدهب بيستجيب عادة للتغيرات دي لأنه بيعتبر ملاذ آمن للمستثمرين..و مع ارتفاع الدولار بيزيد الضغط على أسعار الدهب لأنه مع تراجع قيمة الجنيه المصري المستثمرين بيشتروا الدهب كوسيلة للحفاظ على قيمة أموالهم..و ده بيخلي أسعار الدهب تتأثر بشكل كبير وده واضح في السوق المصري في الفترة الأخيرة والأسعار في حالة ارتفاع مستمر

طب هل في أمل للتغيير؟

في الوقت الحالي في توقعات بإن الضغوط على الدولار هتقل شوية بحلول 2025 خصوصًا مع تقليص حجم المديونية المستحقة.. ولو ده حصل هنشوف فرصة أكبر للاستقرار في سعر الصرف وبالتالي ممكن يتم تخفيض الفائدة تدريجيًا.. لكن ده مش هيحصل في يوم وليلة الموضوع هياخد وقت واللي هنشوفه في المستقبل القريب هو محاولة للسيطرة على التضخم وتحقيق استقرار نسبي في الاقتصاد

ولو كنت بتفكر في استثمارك الشخصي أو لو كنت متابع سعر الدولار أو الدهب لازم تبقى مستعد للتقلبات دي. خفض الفائدة الأمريكية يعني فرص استثمارية في الأسواق الناشئة زي مصر ولكن كمان لازم نكون حذرين من أي ارتفاعات غير متوقعة في الدولار أو الدهب في الفترة الجاية