غاية التعليمية يكتُب.. ايه اللي بيحصل في سوق السيارات والاسعار رايحة على فين ولو مستنى الأسعار تنزل في 2025 شوف الفيديو ده للآخر وايه المفاجأة اللي ممكن تحصل في السنة الجاية بسوق السيارات..

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

 
ناس كتير بتحلم تشتري عربية تقضي بيها المشاوير وتروح بيها شغلها وتفسح ولادها لكن الحلم دا اتأجل عند ناس كتير بعد الارتفاع الكبير في الأسعار وحالة الاضطراب اللي في سوق السيارات في الشهور الأخيرة وبسبب أزمات كبيرة مر بيها زي أزمة الدولار في 2023 وحظر الاستيراد اكتر من مرة ضمن خطة الحكومة لترشيد انفاق الدولار ولأن كان فيه أولويات تانية قدام الحكومة لإدارة الأزمة الخطيرة اللي حصلت قبل قرار التعويم ودا خلى فيه حالة مستمرة من نقص المعروض من السيارات في السوق وبالتالي الأسعار رفعت بشكل كبير ورجع الأوفر برايس على السيارات بنسب متفاوتة وكل دا خلى سعر السيارة النهائى بعيد عن متناول اغلب المصريين اللي بيفكرو يشترو سيارة.

طيب ايه اللي هيحصل في سوق السيارات الفترة الجاية ؟

منتصر زيتون، عضو مجلس إدارة شعبة السيارات بالاتحاد العام للغرف التجارية اتكلم بصراحة عن الوضع دلوقتي وقال ان السيارات اللي زادت زيادة ملحوظة في الأسعار هي اللي ناقصة  في السوق وإن بعض الطرازات زي فولكس فاجن تيجوان، واللي تأخرت في الموانئ لأكتر من شهرين، ارتفعت أسعارها من 2.6 مليون جنيه إلى 2.85 مليون جنيه وإن اي نقص في الكميات المتوفرة في السوق بيسبب  زيادة واضحة في أسعار هذه السيارات، في وقت بعض الطرازات زي 
 نيسان محصلش فيها أي زيادات وفصلت أسعارها مستقرة.

زيتون أكد أنه من غير المتوقع حدوث أي انخفاض في أسعار السيارات مع بداية سنة 2025، وقال كمان إن الأسعار ممكن تشهد زيادات إضافية إذا ارتفع سعر الدولار وان أسعار السيارات الحالية بتعكس الزيادة الأخيرة في سعر الدولار، لكن أي ارتفاع جديد في سعر الصرف هيؤدي إلى زيادات مباشرة في أسعار السيارات يعني الأسعار في 2025 هتعتمد على سعر الدولار وقتها ودا لأن السوق بيعتمد بشكل كبير جدا على الاستيراد وبالتالي على سعر صرف الدولار.

وقال عضو الشعبة ان أغلب السيارات شهدت زيادات طفيفة لا تتجاوز 5%، ما يعادل من 20 إلى 30 ألف جنيه لكل سيارة، لكن السيارات غير المتوفرة أو المحجوزة في الموانئ سجلت زيادات أعلى تتراوح بين 10% و15% بسبب الطلب المرتفع عليها ونقص المعروض

لكن الصورة مش سودا اووي في سوق السيارات وممكن الأسعار تنزل في اي وقت من 2025 لو حصل استقرار أو انخفاض في سعر الدولار واستمرت عمليات الاستيراد بسلاسة واستمرارية واتحلت عمليات الإفراج الجمركي عن السيارات المحتجزة في الموانئ وزيادة الإنتاج المحلي من السيارات من خلال المصانع اللي قررت تفتح في مصر وعودة شركة النصر للسيارات للعمل من تاني وكل ده هيزود المعروض من السيارات ودا هيخفض الأسعار طبعا ودا غير تعهد الحكومة الأخير بحل كل مشاكل سوق السيارات والصناعات المغذية ليه وخطتها لخفض الأسعار في الفترة الجاية.

الخلاصة لو مش محتاج تشتري سياره للضرورة دلوقتي يبقي ممكن تصبر الكام شهر اللي جايين عشان تشتري بسعر ارخص من اللي موجود دلوقتي.