غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الفترة الحالية الرئيس عبدالفتاح السيسي بيقوم بجولة خارجية أوروبية شملت الدنمارك والنرويج وإيرلندا.. ياتري اية هيا الفايدة اللي متوقع ترجع لمصر من الزيارة دي.. واية الشركات اللي أعلنت عن رغبتها في الدخول للسوق المصري.. خليكم معانا للآخر وهتعرفوا التفاصيل في الفيديو ده

مصر دولة لها تاريخها وتقلها السياسي والأقتصادي المعروف في العالم كله وفي المنطقة العربية والشرق الاوسط علي وجه الخصوص، ولكن الأحداث السياسية اللي حصلت في منطقة الشرق الاوسط للاسف لها تاثيرات مباشرة وقوية علي القطاع الاقتصادي في اغلب دول المنطقة وخصوصا مصر، وتحديدا قناة السويس واللي تاثرت بشكل خاص بسبب الضربات البحرية اللي علي طول الخط الملاحي للبحر الأحمر، ووصل معدل التاثير علي ايرادات القناة لأكثر من 70% عن الايرادات اللي كانت القناة بتحققها في الفترة اللي فاتت.

في الفترة الحالية الرئيس عبدالفتاح السيسي بيقوم بجولة خارجية بتشمل 3 دول وهما ايرلندا والدنمارك والنرويج، والهدف من الزيارة دي هيا دعم العلاقات المصرية الثنائية مع الدول دي، وكمان بعث زيادة وتحفيز كبري الشركات اللي موجودة في الدعم دي للدخول للسوق المصري وتنفيذ استثمارات جديدة في مصر .

طيب اية اللي اتحقق من زيارة الرئيس السيسي للثلاث دول دول؟.
الرئيس عبدالفتاح السيسي عقد اكثر من اجتماع مع كبري الشركات في الدول دي واحدة من الشركات دي هيا شركة إمباور النرويجية للطاقة الجديدة وشرك جولار النرويجية لتسييل الغاز، والوكالة النرويجية للتعاون التنموي وجمعية الأعمال النرويجية الافريقية.

منااقشات الرئيس السيسي مع رؤساء الشركات النرويجية تركزت علي السياسات اللي نفذتها الحكومة المصرية وخطة التنمية الاقتصادية والأهمية الكبيرة اللي بتوليها مصر لتمكين القطاع الخاص وجذب المزيد من الاستثمارات الأجنبية المباشرة.

المتحدث باسم رئاسة الجمهورية قال أن الرئيس السيسي استعرض خلال لقاءه تطوير قطاع الطاقة المتجددة في مصر كأولوية اولي والأمكانيات اللي وفرتها مصر لاستغلال الموارد الطبيعية والبنية التحتية، وكمان الرئيس السيسي اتكلم علي الاستراتيجية الوطنية المصرية لزيادة حجم الاعتماد على مصادر الطاقة المتجددة.

الرئيس السيسي اتكلم كمان عن دور الشركات المصرية في القارة الإفريقية، وكمان شهد مراسم توقيع عقد بين شركة امباور النرويجية وشركة ماجد الفطيم لتنفيذ مشروع في مصر في مجال الطاقة الشمسية لأغراض الصناعة .

لقاءات الرئيس مع كبري الشركات النرويجية تضمنت كمان عقد لقاء مع رئيس شركة سكاتك وشركة يارا، والرئيس السيسي استعرض خلال اللقاء برنامج التنمية الاقتصادية الطموح اللي بتنفذه مصر، والأهمية الكبيرة اللي بتوليها مصر لتمكين القطاع الخاص وجذب استثمارات أجنبية مباشرة إلي مصر، ودعم الشركات الأجنبية العاملة في مصر.

الرئيس السيسي ثمن التعاون القائم بين مصر والشركات العاملة في مجال الاستثمار الأخضر، وأكد سعى مصر لتصبح مركزاً للطاقة الخضراء في المنطقة، واللقاء تناول التعاون مع صندوق الاستثمار النرويجي في الدول النامية، والتوسع في مشروعات الشركتين في مصر .