غاية التعليمية يكتُب.. شهدت الساحة الاقتصادية والمالية المصرية قرارات وتطورات كبيرة على مدار الأيام اللي فاتت.. ياترى ايه اللي حصل في الساعات الأخيرة وايه تأثيره على الأيام الجاية.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الحدث الأهم في خلال الأسبوع دا واللي نال إهتمام المصريين كلهم هي فرض رسوم على تحويلات تطبيق انتساباي لاول مرة من ساعة إنطلاقه والحقيقة دي كانت خطوة مناظرة ومتوقعة لأن الطبيعي اي خدمة يكون عليها رسوم عشان تتطور ودا اللي قالته إلهية المسؤولة عن التطبيق وفي نفس الوقت الرسوم معقولة جدا ومش عالية ودا عمل حالة ارتياح عند الناس.

تطبيق انتساباي من أنجح التطبيقات المالية اللي أصدرها البنك المركزي المصري ولقت حالة قبول شديدة ووصل عدد المشتركين فيها حوالي 14 مليون مشترك لغاية دلوقتى.

الحدث التاني المهم اللي تابعه المصريين كان زيارة الشيخ محمد بن زايد رئيس دولة الإمارات لمصر

الزيارة حسب البيان الرسمي لوكالة أنباء الإمارات ضمن التنسيق المستمر بين البلدين في القضايا المشتركة خاصة في مجالات الاقتصاد والطاقة والاستثمار والتعاون الأمني خاصة أن الإمارات شريك رئيسي لمصر  في المنطقة وبتربطهم اتفاقيات استراتيجية في مختلف القطاعات الحيوية والزيارة لتعزيز التعاون في المجالات .. وكمان منتظر عقد صفقات جديدة في الطريق خاصة في ملف الطاقة والاستثمارات واللي هتكون نقلة نوعية في العلاقات الاقتصادية بين مصر والإمارات.

ملف الطاقة كان حاضر بقوة في الأيام اللي فاتت وشهد تطور كبير ومهم جدا وهو تفاوض الحكومة المصرية مع العراق لاستئناف استيراد شحنات من النفط الخام العراقي وحسب المعلومات  الهيئة المصرية العامة للبترول بتخطط لاستيراد حوالي 8 مليون برميل نفط خام قابلة للزيادة سنويا لتلبية احتياجات السوق المصرية من النفط اللي بيغذي معامل التكرير.

وحسب المصادر المقربة الجانب المصري بيفاوض للحصول على تسهيلات في سداد قيمة الشحنات اللي هيتم الاستقرار عليها بشكل كامل بمجرد موافقة الجانب العراقي ودي أهم نقطة مصر بتسعة ليها أنها تستورد بترول خام عراقي بسعر مميز وتعسد تكريره في مصر لتعظيم القيمة المضافة.. وفي 3 مارس الحالي وزير البترول كريم بدوي اجتمع مع نائب رئيس مجلس الوزراء ووزير النفط العراقي حيان عبد الغني بالعاصمة بغداد وأكد على ضرورة تعزيز التعاون بينهم في مجال النفط والغاز الطبيعي لتحقيق التكامل بين الجانبين وكمان تم مناقشة التعاون في مجال التكرير بنقل النفط العراقي لتكريره بمعامل التكرير المصري وإن دا بيمثل فرصة إضافية للوصول إلى الأسواق الإقليمية والعالمية.

من الاخبار السارة اللس كان ليها صدى كبير قي الأوساط الاقتصادية والمالية هو حزمة التمويلات الجديدة والكبيرة من الاتحاد الأوروبي لمصر

وزي ما احنا عارفين إن مصر حالياً بتعيد سياستها الخارجية مع عدد كبير من دول العالم اهمهم دول الاتحاد الأوروبي واللي الحكومة نجحت في رفع الشراكة معاهم لمستوى الشراكة الاستراتيجية الشاملة في مارس 2024، ووقتها مجلس الاتحاد الأوروبي اقر جزمة مالية لمصر بقيمة 7.4 مليار دولار لمصر نظير استضافة مصر لاكتر من 9 مليون لاجئ من  دول كتيرة حوالين العالم في وقت مصر كانت بتعاني تحديات اقتصادية كبيرة بسبب التوترات الجيوسياسية خصوصا الموجودة في منطقة الشرق الأوسط .

ومصر حاليا في انتظار وصول شريحة جديدة من دعم الاتحاد الأوروبي لمصر، وهتوصل الشريحة الجديدة لـ4 مليار يورو، ودي جاية ضمن حزمة تمويل الاتحاد الأوروبي لمصر، وحاليا الحكومة في انتظار التصويت علي صرف الشريحة الجديدة في البرلمان الأوروبي واللي هيعقد اجتماعه خلال الأسابيع اللي جاية .

الاتحاد الأوروبي أكد إن التمويل بيتم تقديمه لمصر بيكون مخصص للاستثماره في قطاعات استراتيجية زي الطاقة النظيفة والتصنيع، والأمن الغذائي ودي كلها مجالات بتعتبر حيوية جداً لأي اقتصاد بيحاول يخرج من أزمة .