غاية التعليمية يكتُب.. يعني ايه استثمار عكسي وإزاي مصر ممكن تستفيد من الاستثمار في الخارج وإيه فايدته للاقتصاد والشركات المصرية.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

كلنا عارفين إن كلمة الاستثمار الاجنبي في مصر معناه إن فيه شركات بتضخ دولارات في السوق المصري لعمل مشروعات في أي قطاعات واعدة وشفنا طفرة في دا من مارس اللي فات بعد تحرير سعر الصرف والبداية كانت بصفقة راس الحكمة الاماراتية باجمالي استثمارات نهائية متوقعة 150 مليار دولار وتوالت بعديها الصفقات العربية والأجنبية في السوق المصري.

طيب ايه هو الاستثمار العكسي؟
شوف حضرتك دا معناه إن الشركات المصرية المتوسطة أو الكبيرة أو حتي الناشئة منها بتلجأ للاستثمار في الخارج بجانب الاستمثار في مصر ودا عن طريق استغلال المميزات اللي بتقدمها الدول الخارجية للشركات الاجنبية ومنها الشركات المصرية.

طيب ليه الاستثمار العكسي مفيد للاقتصاد المصري؟
الحقيقة الشركات المصرية عملت سمعة ممتازة في الخارج في قطاع المشروعات في مجالات كتير زي شركة المقاولون العرب والسويدي وحسن علام ومحموعة طلعت مصطفي وشفنا سد تنزانيا الضخم اللي نفذته شركات مصرية في وقت قياسي وجودة عالية ودخل مراحل التشغيل وفتح أبواب جديدة للشركات المصرية في افريقيا كلها لدرجة إن الشركات المصرية دلوقتي بتاخد مشروعات من حكومات أفريقية بالأمر المباشر بسبب سمعتها الممتازة في تنفيذ المشروعات بشكل أفضل من الشركات الاجنبية كمان.

وزيادة نشاط الشركات المصرية في الخارج بيوفر لها سيولة ضخمة بالدولار ودا بيسمح ليها إنها تطور ادائها وتتوسع بشكل كبير سواء في السوق المصري أو الاسواق الخارجية وكمان هيخليها مصدر للعملة الصعبة في السوق المصري وتوظيف مزيد من العمالة المصرية المدربة في الشركات دي وكل دا بيعود على الاقتصاد المصري في النهاية..

وهنضرب هنا مثل واحد لنجاح الشركات المصرية في الخارج وتحديدا السوق السعودي.. واللي قدرت تغزوه بسمعتها الطيبة وأدائها القوي وبالارقام حجم الاستثمارات المصرية في السعودية وصل  لأكتر من 70 مليار ريال سعودي وفيه حوالي 6 آلاف شركة مصرية في السوق السعودي دلوقتي حسب تصريحات الدكتور مدبولي على رأسهم مجموعة طلعت مصطفي واللي بتنفذ مشروعات بـ 65 مليار ريال سعودي مايعادل 18 مليار دولار تقريبا ودي في مشروعات مدن كاملة بتبنيها الشركة المصرية في السعودية حاليا.

كمان شركات الأدوية المصرية عرفت طريقها للسوق السعودية وشركة إيبكس فارما المصرية أعلنت مؤخرات تشغيل مصنعها الجديد في الوادي الصناعي بمدينة الملك عبدالله الاقتصادية بالسعودية لإنتاج ما يتراوح بين 10 و14 مستحضر خلال العام الحالي وبلغت استثمارات المرحلة الأولى من المصنع 300 مليون ريال.. 

ودا غير استثمارات الشركات المصرية التانية في السوق السعودي واللي بيساهم في تحويل الشركات دي لمؤسسات عالمية عملاقة ودا هينعكس على السوق الأم في مصر.