غاية التعليمية يكتُب.. مش هيكون في دعم تمويني تاني، والدعم كله هيتحول لدعم عيني ونقدي.. ياتري اية حكاية الكلام المنتشر في الشارع المصري عن رفع دعم السلع التموينية، وهل الحكومة عايزة تقطع التموين علي المواطنين واية حكاية الدعم العيني ده.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الحكومة حاليا بتمر بمرحلة حساسة جدا وهيا رفع الدعم عن الخدمات والسلع اللي بتقدمها الدولة للمواطنين واحدة من الحاجات اللي بتاكل جزء كبير من الدعم هو ده السلع التموينية ورغيف الخبز، والدولة في الوقت الحالي وضمن خطتها لترشيد الدعم عايزة تتحول من دعم السلع التموينية لدعم نقدي ويعني يوصل للمواطن وهو يقرر يشتري اية وفقا لاحتياجاته الشخصية خصوصا أن منظومة صرف السلع التموينية خلال الفترة اللي فاتت شهدت اكثر من واقعة فساد وان الدعم مش بيوصل للمواطنين المستهدفين .

وعلشان الدولة تخلص من أزمة عدم وصول الدعم لمستحقيه وهيا الفئات الأولي بالرعايا، فالحكومة ابتكرت حاجة اسمها التحول للدعم النقدي بدلا من دعم السلع التموينية.

طيب اية المزايا اللي هيوفرها برنامج الدعم النقدي الجديد للمواطنين؟.
الحكومة عندها اكثر من هدف من خطة التحول من دعم السلع التموينية الي التحول للدعم النقدي، خصوصا أنه بيستهدف توجيه موارد الدولة  لدعم الفئات المستحقة بدون هدر بدل من تقديم دعم شامل ممكن يستفيد منه غير المستحقين، ده غير كمان أن الدعم العيني للسلع التموينية ممكن يكون عرضة للتلاعب أو سوء التوزيع، والبرنامج الجديد للتحول ألي الدعم النقدي ممكن المواطن يحوله لتحويل إلكتروني علي حساباته في البنوك، وده هيقلل منظومة الفساد والتلاعب.

مش كده بس لا ده كمان الهدف بتستهدف من خطة التحول للدعم النقدي زيادة حرية المستفيدين واستخدام الدعم اللي هيحصلوا عليه وفقا لاحتياجتهم سواء لشراء الأكل والشرب أو دفع تكاليف التعليم أو الرعاية الصحية وده هتيح لكل مواطن اختيار الحاجة اللي هو عايزها، عن غير أنه هيخفض التكاليف الإدارية خصوصا أن دعم السلع التموينية  عايزة بنية تحتية معقدة زي مراكز التموين ومراكز لتخزين السلع والنقل والتوزيع، لكن الدعم النقدي بيحتاج لأنظمة مصرفية وإلكترونية بسيطة نسبيا وده هيوفر جزء كبير من موارد الدولة.