غاية التعليمية يكتُب.. مصر هتبدأ مرحلة جديدة من الشراكة مع القطاع الخاص والمرة دي في المطارات واللي هيا أول بوابة من بوابات مصر واللي عليها العبء الكبير في الحفاظ علي الأمن المصري.. ياتري الشراكة دي هتم أزاي.. واية هدف الدولة منها.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الفترة اللي فاتت الحكومة بدأت تدخل في شراكات مع القطاع وبدأت تتخارج من عدد كبير من الشركات المملوكة لها، وفعلا الفترة اللي فاتت الحكومة طرحت اكثر من شركة للشراكة مع القطاع الخاص، وده بهدف تطويرها وزيادة ايرادتها، ودي واحدة من البنود اللي الحكومة اتفقت عليها مع صندوق النقد الدولي لإصلاح الاقتصاد المصري.

خطة الخطة للطروحات والتخارج من الشركات المملوكة للقطاع العام بدأت من فترات طويلة، وبدأت نتائجها تظهر علي الاقتصاد المصري والشركات دي بدا يكون لها دور في الناتج القومي المصري، ودي اللي الحكومة بتستهدفة وهو زيادة الايرادات وتقليل النفقات.

طيب اية الجديد في موضوع طرح المطارات للشراكة والإدارة مع القطاع الخاص؟.
وزارة الطيران الفترة اللي فاتت تلقت اكثر من عرض من عدد كبير من كبريات الشركات حوالين العالم للدخول في شراكة مع الحكومة لإدارة المطارات، والعروض دي جت من دول عربية وأجنبية، وده بيؤكد أن الاقتصاد المصري ماشي علي الطريق الصحيح خصوصا أن مفيش مستثمر هيدخل يرمي فلوس علي الأرض بدون ما يبقي عارف أن لما يحط جنية لأزم يكون مكسبه اكثر من 3 جنيه.

وزارة الطيران المدني في الوقت الحالي بدات تدرس العروض اللي وصلت لها علشان تختار افضلهم واكثر عائد وافضلهم من الناحية الأدارية وبما لا يؤثر علي الخدمات الأمنية وخدمات المسافرين بالمطارات خصوصا أن المطارات بتعد واحدة من بوابات مصر الخارجية وهيا أول حاجة بتيجي عليها عين المسافر من لحظة نزوله للمطار، وبيكون لها أول وآخر اثر في نفس السائح اللي جاي مصر علشان يقضي إجازته وبناء عليها بيحدد نسبة كبيرة من امكانياته عودته مرة تانية أو لا.

أول المطارات اللي الدولة هتطرحها للشراكة مع القطاع الخاص هيكون مطار الغردقة، واللي وزارة الطيران المدني اعلنت عنه بشكل رسمي، والشراكة دي هتكون في المناطق الاقتصادية الموجودة في المطارات بس، وهتشمل تشغيل مطاعم وكافتيريات وبازارات لاشهر الماركات العالمية.