غاية التعليمية يكتُب.. كل الناس منتظره وجود زيادات جديدة في أسعار شرائح الكهرباء السنة دي.. بس الحكومة قالت حاجة هتفرح الشعب المصري كله.. وهتكون عكس كل اللي اتقال.. ياترى ايه هي الحاجة دي وليه هتفرح الناس.. وايه اهميتها بالنسبة للشارع المصري.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

سنة 2025 المفترض أنها هتشهد قرارات كتيرة لرفع الدعم عن السلع والخدمات اللي بتقدمها الحكومة للمواطنين خصوصا ان رفع الدعم ده بند من البنود اللي الحكومة اتفقت عليها مع صندوق النقد الدولي للحصول علي شرائح قرض الـ 8 مليار دولار واللي مصر حصلت علي موافقته في مارس 2024، ولكن خلال الـ6 شهور اللي فاتوا الحصول انحازت للشعب على حساب شروط صندوق النقد ورفضت أنها ترفع أي أسعار علي الناس بسبب الظروف الاقتصادية اللي موجودة واللي كانت بسبب التوترات الجيوسياسية اللي موجودة في المنطقة العربية.

وعلشان مصر تحصل علي باقي شرائح قرض الـ8 مليار دولار، وده بعد ما مصر صرفت منه 4 شرائح حتي الأن، فمجلس الوزراء من كام يوم أعلن ان الحكومة هترفع الدعم عن المواد البترولية خصوصا البنزين والسولار وانبوبة البوتاجاز بشكل كامل مع نهاية 2025، علشان الدولة تقدر تصرف باقي شرائح القرض وميحصلش اي تاخير تاني في الدفعات زي ما حصل في الشريحة الرابعة واللي وصلت قيمتها لـ1.2 مليار دولار، واللي اخذت وقت طويل جدا علي ما مصر قدرت توصل لاتفاق مع صندوق النقد ويأخذ تنفيذ الشروط الخاصة برفع الدعم.

طيب ايه هيا المفاجأة اللي مجهزها الحكومة للناس في 2025 بخصوص شرائح الكهرباء؟.
جهاز تنظيم مرفق الكهرباء وحماية المستهلك واللي هو مهمته تحديد اسعار شرائح الكهرباء الجديدة واللي اعلن عن تعديل شرائح الكهرباء في يوليو 2024 وبدانا نشتغل بالتعريفية الجديدة للاسعار بداية من اغسطس 2024، وحدد مدة انتهاء العمل بالتعريفية مع نهاية السنة المالية الحالية واللي بتخلص مع نهاية شهر يوينو من كل سنة ، وبالتالي المفروض أن تعريفية شرائح الكهرباء الحالي تخلص مع نهاية شهر 6 والحكومة تبدأ تحط تسعيرة جديدة تحاسب بيها الناس في البيوت والمحالات التجارية .

الجديد بقي أن الدكتور محمود عصمت وزير الكهرباء والطاقة المتجددة قال أن الوزارة مش هتعدل تعريفية اسعار شرائح الكهرباء وأنها هتفضل شغاله بيها لفترة كبيرة، وأن مفيش اي تعليمات من مجلس الوزراء حتي الان بتعديل تعريفية اسعار الكهرباء خصوصا أن مجلس الوزراء هو اللي بيقول امتي نرفع الاسعار وأمتي هنبدأ نشتغل بيها.

وزير الكهرباء والطاقة المتجددة قال كمان أن الوزارة حتي الأن مستمرة في العمل بالتعريفية القديمة لشرائح الاستهلاك المنزلي والتجاري ومش هتلجا لرفع الاسعار حاليا علي الرغم من الزيادة الكبيرة اللي بتحصل في اسعار الوقود العالمي واللي طبعا لها تاثير مباشر علي اسعار شرئح الكهرباء خصوصا أن مصر في الوقت الحالب بتستورد كميات كبيرة من الغاز الطبيعي من الخارج علشان تشغل محطات توليد الكهرباء.