غاية التعليمية يكتُب.. سعر الدولار رايح فين الفترة الجاية وايه تأثير الصفقات والاستثمارات الكويتية على سوق الصرف الأيام الجاية.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

معروف إن سعر الدولار عرض وطلب من ساعة قرار تحرير سعر الصرف أو التعويم وإن الموضوع بقي بإيد السوق ومن غير أي تدخل حكومي وعشان كده بقينا عارفين السعر بيتحرك ازاي ولما يزيد بنعرف إن فيه طلب على الدولار والعكس صحيح لما السعر ينزل يبقي الطلب قليل والمعروض كبير..

طيب التوقعات بتقول ايه عن الدولار ؟

زي ما قلنا إن سعر الدولار  ماشي حسب حكم السوق لكن نقدر نعرف السوق بشكل عام رايح على فين من خلال متابعة مسار التدفقات الدولارية والنمو في موارد قطاعات الاقتصاد اللي بتجيب عملة صعبة يعني احنا بنحكم على حجم النقد اللي داخل السوق وبالتالي نقدر نتوقع مسار الأسعار سواء بالصعود أو النزول ولو بصينا للموارد الدولارية للدولة هنلاقي فيها تحسن كبير جدا في الشهور الأخيرة وخاصة تحويلات المصريين بالخارج والسياحة والاستثمار والتصدير.

وفي الأيام الأخيرة حصل تطور مهم جدا هيكون ليه تأثيره المباشر على سعر الدولار وهو الصفقات الكويتية الجديدة في الاستثمار بمصر ومثلا الكويت قررت تزيد استثماراتها في مصر 20% وكمان تجدد أجل 4 مليار دولار ودائع ليها في البنك المركزي المصري وطبعا دي اخبار كويسة جدا وهتخفف العبء على موارد الدولة فيما يتعلق بفاتورة سداد الديون الكبيرة في 2025 ودا معناه أن موارد الدولار هتفضل عالية في السوق المصرفي وهيحصل حالة استقرار كبيرة..

مش كده وبس دا كمان الاستثمارات الكويتية مرشحة للزيادة بشكل كبير جدا واعلي من النسبة المعلنة لأن فيه كلام كتير عن استثمارات كويتية ضخمة في  قطاعات الصناعة والزراعة والسياحة والإنشاءات والخدمات المالية وكمان فيه تأكيدات أن الاستثمارات الكويتية في مصر هيكون جزء كبير منها في مناطق الساحل الشمالي الغربي والبحر الأحمر وهيتم تنفيذ مشروعات كويتية سياحية في المناطق دس وبناء مجموعة فنادق جديدة فاخرة هتكون حديث الساحل الشمالي.. وطبعا الاستثمار بيجيب استثمار والشركات الكويتية هتجيب بعضها وهتحاول تزاحم الشركات الإماراتية والسعودية في مصر من حيث الاستثمارات وعلى فكرة الكويت تالت اكبر مستثمر خليجي في مصر والعلاقات متينة جدا معاها وفيه زيارة مهمة لرئيس وزراء الكويت لمصر الفترة الجاية وهيكون فيها مفاجآت من العيار التقيل.

الصفقات الكويتية بتشمل زيادة الاستثمارات الي 5.3 مليار دولار خلال السنة الحالية 2025  في الوقت اللي بتستهدف الاستحواذ على حصص في شركات حكومية والمنافسة على إدارة المطارات المصرية .. ومش كده وبس دا فيه كمان اتفاق بين البلدين لوصول الاستثمارات الكويتية في مصر باكتر من 10 مليار دولار خلال السنين القليلة اللي جاي جاية.. وهيتم تركيز الاستثمارات دي على قطاعات صناعة الدواء، والأمن الغذائي والسياحة والزراعة وتصنيع السيارات والمصارف والطاقة المتجددة والنقل الجماعي، والهيدروجين الأخضر.

الخلاصة أن اي تدفقات دولارية جديدة بتساهم في انخفاض سعر الدولار واستقرار سوق الصرف وزيادة مرونة الدولة في التعامل مع التحديات وجذب مزيد من الاستثمارات وتحسين المستوى المعيشي للناس من خلال خفض أسعار السلع.