غاية التعليمية يكتُب.. السيارات واحدة من الحاجات اللي بقت عصب لكل بيت مصري، وحاليا اتحولت لحاجة صعب الاستغناء عنها بس اسعارها خارج التوقعات.. ياتري امتي العربيات سعرها هينزل في مصر.. واية اسباب ارتفاعها في الفترة اللي فاتت.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الظروف الاقتصادية الصعبة اللي الشعب المصري بيمر بيها خلت اغلب حياة الناس بقت في الشوارع ما بين الشغل والمواصلات والانتقال من مكان للتاني اغلبهم بيكونوا مقابلات أو مشاوير للشغل، وبالتالي حلم العربية تحول من حاجة للرفاهيات إلى الأساسيات في الوقت الحالي والعربية اتحولت لعصب حقيقي لكل بيت، وحاجة في منتهي الصعوبة فكرة الاستغناء عنها .

اللي متابع سوق العربيات في مصر هيعرف أن الأسعار في مصر بقت فوق الخيال حتي المستعمل سعره بقي حراق جدا ومش اي حد هيكون معاه المبلغ اللي يقدر يشتري بيه عربية علي الاقل كويسة تستحمل معاه هلكه المشاوير والف في الشوارع.

طيب اية اسباب ارتفاع اسعار العربيات في مصر وامتي الاسعار ممن تنزل شوية ؟.

كل الخبراء اجمعوا أن اسعار السيارات في مصر هتنخفض السنة دي بنسب كبير عن السنين اللي فاتت وده لأكثر من سبب أولهم تراجع الطلب المحلي علي الشراء في الشهور اللي فاتت وده كان سببه ارتفاع الأسعار ووصلولها لارقام فلكية صعبة علي المواطن العادي تحقيقها أو الوصول لها.

تاني الاسباب الخبراء بنوا رؤيتهم عليها هيا أن شركات السيارات في مصر رجعت تفتح اعتمادات مستندية من البنوك مرة تانية بعد توافر واستقرار سوق صرف العملات في مصر، وده خلي عدد كبير من شركات ووكلاء السيارات في مصر تطرح تخفيضات على أسعار كل فئات السيارات بمعدلات تراوحت بين 5 و15% وفقا للمعروض المتاح من كل فئة ومعدلات الطلب عليها .

ثالث سبب لانخفاض اسعار السيارات في مصر، كان افتتاح وتشغيل 3 مصانع لإنتاج السيارات في مصر خلال الشهور اللي فاتت، وبدء الأنتاج الفعلي، واللي خلقت منافسة سعرية بين الفئات الموجودة في السوق، وبقي السوق المصرية في فئات كتيرة سعرها اقل من المليون بكتير زي بروتون ساجا واللي سعرها بيوصل لـ650 ألف جنيه، وجيلي سعرها بيوصل لـ 850 ألف جنيه، والاوبترا سعرها بيوصل لـ 720 مليون جنيه.