غاية التعليمية يكتُب.. علي مدار السنين اللي فاتت، مصر كان عندها فجوة تمويلة كبيرة، والخطو عندها خطة لسد الفجوة دي.. ياتري اية هيا خطة الحكومة لسد الفجوة التمويلة في مصر.. والفجوة التمويلة في مصر بتوصل لكام.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

علي الرغم من الجهود الكبيرة اللي قامت بيها الحكومة لتوفير مصادر دخل دولاري لمصر، الا أن الحكومة برضوا فضل عندها شوية مشاكلة مالية كتيرة وده بسبب التوترات الجيوسياسية اللي موجودة في منطقة الشرق الأوسط واللي خلفت من رواها أزمات اقتصادية كبيرة وولدت فجوة تمويلية وصلت قيمتها لـ28.5 مليار دولار وفقا لما اعلنه صندوق النقد الدولي .

اللي متابع للسوق المالي في مصر هيعرف أد اية الجهود اللي قامت بيها الحكومة لتوفير مصادر دولارية بديلة، وده ما المصادر الاساسية بتاعتنا حصل لها تراجع كبير في الأيرادات خصوصا قناة السويس واللي ايرادتها تراجعت باكثر من 70% عن الأرقام اللي كانت القناة بتحققها في السنين اللي فاتت وده بسبب التوترات اللي موجودة في حركة الملاحة البحرية في البحر الأحمر، والحكومة تدخلت بتوفير خطة بديلة كان اهمها توقيع صفقة عقود الاستثمار السياحي في منطقة راس الحكمة واللي دخلت لمصر 35 مليار دولار دخلت خزينة البنك المركزي بشكل مباشر ودي عملت سيولة دولارية كبير في البنك المركزي.

طيب ازاي الحكومة هتحل ازمة الفجوة التمويلية بتاعتها ازاي؟.

الحكومة في الفترة اللي فاتت حطت خطة لسد الفجوة التمويلية، فالحكومة اطلقت استراتيجية وطنية متكاملة للاستدامة وتمويل التنمية، ودي بتركز على تعبئة التمويل المستدام لسد فجوة التمويل وتقليل المخاطر المالية، زالانتقال من آليات التمويل التقليدية إلى استراتيجيات تمويل شاملة لتحقيق التنمية المستدامة، لمعالجة الفجوة التمويلية وتحقيق أهداف التنمية المستدامة في القطاعات ذات الأولوية، وتشجيع استثمارات القطاع الخاص وتوجيه الموارد للمبادرات الأعلى تأثيراً على الأبعاد الاقتصادية والاجتماعية والبيئية.

جزء كبير من البنود الإساسية اللي حددتها الحكومة لسد الفجوة التمويلة قايم علي خطة سد وخفض الدين العام للبلاد، وفعلا الحكومة في الفترة اللي فاتت قدرت أنها تسدد 17.8 مليار دولار في الربع الأخير من 2024 منهم 6 مليار دولار كانت عبارة عن التزامات على الحكومة، و2 مليار دولار كانت التزامات على البنك المركزي، و5.2 مليار دولار كانت التزامات على البنوك، و4.5 مليار دولار كانت التزامات على القطاعات التانية في الدولة، ووصل إجمالي القروض الخارجية اللي سددتها مصر خلال السنة اللي فاتت 38 مليار دولار.

مصر كمان خلال السنة دي هتوصل خطتها لسد الدين الخارجي وسد الفجوة التمويلة وهيوصل أجمالي الدين اللي هتسدده الحكومة خلال السنة دي لـ 43.2 مليار دولار من يناير لحد سبتمبر 2025. منهم 5.9 مليار دولار فوائد ديون، و37.3 مليار دولار أصل القروض، خصوصا أن الحكومة عندها هدف أنها تفضل مستمرة في سداد التزماتها الخارجية.