غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

ناس كتير مستنية الجمعة البيضاء، خصوصا أنها بيكون في عروض كتيرة وتخفيضات كبيرة بتعلنها شركات وهيبرات كتيرة علي الأجهزة والأدوات المنزلية، ياتري متوسط التخفيضات بتوصل لكام.. واية اشهر المنتجات اللي عليها تخفيضات.

الجمعة البيضاء واحدة من الحاجات اللي في ناس كتير من الشعب المصري بيكون مستنيها خصوصا أنها المولات والهيبرات فيها عن تخفيضات واسعار مش موجودة حاليا، ودي بتبقي عبارة عن عروض ليوم واحد بس في السنة وبتبقي علي أنواع واجهزة كهربائية وادوات منزلية في المولات والمحلات التجارية، والتخفيضات بتكون بداية من الأجهزة الصغيرة واللي سعرها قليل، لحد الأجهزة الكهربائية الكبيرة واللي بتكون غالية في السعر، وبتوصل معدلات التخفيضات علي الاجهزة الكهربائية من 20%  إلى 50% كمان..طيب اية هيا الجمعة البيضاء دي وليه مصر بتحتفل بيها؟.

الجمعة البيضاء هي النسخة العربية من البلاك فرايداي في الولايات المتحدة الأمريكية، واللي أطلقت في القرن الـ19 بعد عيد الشكر، بس اختلف الاسم بسبب تقديس يوم الجمعة وأهميته الدينية في العالم الإسلامي.

بداية معرفة يوم البلاك فرايداي في الولايات المتحدة الامريكية نتيجة حالة الكساد اللي ضربت البلاد في الوقت ده، وده أجبر التجار على إعلان خصومات وصلت إلى 100% لتنشيط مبيعات السوق؟، وعلشان كده  سموها البلاك فرايداي الجمعة السوداء، ومن التاريخ ده والمحال اتعودت علي تقديم عروض وتخفيضات في البلاك فرايداي واللي بتكون يوم الجمعة الأخير من شهر نوفمبر من كل سنة، والفكرة انتشرت في كل دول العالم، والمواقع والمتاجر الإلكترونية وكل العلامات التجارية بدأت تتدخل في الفكرة وتقدم عروض وخصومات كبيرة علي المنتجات والأجهزة الكهربائية .

طيب اية هيا نصائح وزارة التموين للمواطنين علشان يقدورا يحصلوا علي افضل عروض وأفضل سعر؟.

وزارة التموين والتجارة الداخلية وجهت نصائح للمواطنين اللي بيكونوا حريصون أنهم يشتروا عروض ومنتجات يوم الجمعة البيضاء، وطلبت منهم أنهم يركزوا على الاحتياجات اللي عايزينها بس وبلاش يشتروا اية حاجة عليها تخفيضات وخلاص بهدف الحصول علي نسبة الخصم.

وزارة التموين نصحت كمان الناس بفحص الضمان والتأكد أن الجهاز اللي عايز يشتريه بضمان كامل ويطلع على شروط الضمان قبل ما يشتري، وكمان يعمل مقارنة بين الأسعار في كل المحلات والمولات التجارية قبل الشراء علشان يتأكد أنه هياخذ افضل سعر للمنتج اللي هيو بيدور عليه ربما يلاقي سعر اقل وجودة أحسن في مكان تاني .

عروض الجمعة البيضاء 2024 هتكون السنة دي فيها تخفيضات كبيرة علي أنواع وحاجات كتيرة بيكون عليها طلب في الايام العادية زي الموبايلات والأجهزة الكهربائية والإلكترونية والملابس والمنتجات الغذائية والمستلزمات المنزلية، والتخفيضات دي هتكون موجودة في فروع كتيرة من سلاسل المحلات التجارية ومراكز التسوق والمتاجر الإلكترونية اللي الناس بتتسوق فيها من خلال الإنترنت في مختلف دول العالم والنوع ده من التجارة بقي منتشر ومعروف جدا دلوقتي.
طبعا اي عروض تخفيضات على السلع بتكون ضربة لتجار الأزمات واللي بيحتكروا السلع ويرفعوا أسعارها بشكل مبالغ فيه وفي نفس الوقت بيدي فرصة للناس أنها تشتري احتياجاتها من السلع بأسعار مناسبة جدا.