غاية التعليمية يكتُب.. هو إيه اللي هيحصل في سوق الصرف بعد موافقة صندوق النقد الدولي على صرف الشريحة الرابعة.. وتأثير دا على الأسواق بعد تقرير انخفاض التضخم الأخير وتصريحات مدبولي الأخيرة عن التوازن بين الإيرادات والمصروفات..

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

من ساعات صندوق النقد الدولي وافق على المراجعة الرابعة من القرض المصري واللي هتمنح مصر على 1.2 مليار دولار بعد فترة طويلة من المراجعة لبرنامج الإصلاح الاقتصادي المصري مع الصندوق وبعد الموافقة دي من حق مصر التقدم للحصول على قرض تاني بقيمة 1.3 مليار دولار عبارة عن قرض الاستدامة والتنمية.

طبعا القرار الأخير للصندوق بيعكس حاجات كتير جدا وبيوجه كمان رسايل كتير ودا لأن الموافقة على صرف الشريحة الرابعة معناه استمرار نجاح برنامج الإصلاح الاقتصادي في مصر وتجديد الثقة في الاقتصاد المصري ورسالة بتأكد حالة الاستقرار الاقتصادي والسياسي والاجتماعي في مصر بشكل عام وإلا مكانش الصندوق وافق على صرف الشريحة الرابعة وكمان رسالة بقوة القطاع المصرفي وسوق الصرف في مصر.

طبعا قرار الصندوق الأخير هيكون ليه تأثيرات كبيرة على سوق الصرف وسعر الدولار ودا بسبب تأكيد الصندوق على الاستقرار المالي والاقتصادي في مصر وقدرته على الانطلاق والنمو وتحسن كل المؤشرات الاقتصادية بشكل عام وخاصة فيما يتعلق بالتدفقات الدولارية من موارد الدولة المختلفة زي السياحة وتحويلات المصريين بالخارج والاستثمار والتصدير واقتراب عودة إيرادات قناة السويس لسابق عهدها.

وكل دي عوامل الصندوق اخدها في الاعتبار قبل الموافقة على صرف 2500 مليون دولار لو تقدمت مصر بطلب للحصول على قرض الاستدامة الإضافي وأكيد الرقم دا هيكون ليه تأثير كبير في نزول سعر الدولار في الفترة الجاية وارتفاع قيمة الجنيه.

توقيت موافقة الصندوق على صرف الشريحة الرابعة مهم جدا لأنه جاي مع تحسن مؤشرات اقتصاديه تانية زي انخفاض معدل التضخم بشكل كبير في الفترة الأخيرة حسب آخر بيانات رسمية ووصل ل12.80% في فبراير اللي فات مقابل 23% في يناير اللي قبله ودا معناه استمرار انخفاض معدلات التضخم لأنها بتتأثر بشكل مباشر بتوافر الدولار في الأسواق واللي بيسمح بانخفاض أسعار السلع مع الهبوط المتوقع في سعر العملة الخضراء ودا اللي يهم المصريين دلوقتي أن وتيرة التضخم والاسعار تستمر في اتجاه الهبوط لأن دا ليه تأثير مباشر على القيمة الشرائية ومستوى الدخول للمواطنين.

كمان استمرار تدفق الدولار من اكتر من مورد وآخرها قرض صندوق النقد الدولي سيعزز قدرة الدولة على تحقيق برامج التنمية وتوجيه الحصيلة الدولارية الزيادة لاستثمارات جديدة في الاقتصاد المصري مع توازن الإيرادات مع المصروفات لأول مرة في تاريخ مصر الحديث حسب تصريحات رئيس الوزراء الأخيرة وكمان هيعزز من قدرة الدولة على سداد الديون بسهولة وعلى زيادة الاحتياطي النقدي كمان.