غاية التعليمية يكتُب.. في حيرة كبيرة عند عدد كبير من الناس عن الرسوم الجمركية الجديدة للتليفونات المحمولة.. ونسبتها كام علي التلفون وليه بتختلف من تلفون للتاني.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في حالة كبيرة من اللغط منتشرة جدا في الشارع المصري من يوم قرار الحكومة بفرض رسوم جمركية علي التلفونات المحمولة بنسبة 38.8% من سعر الهاتف، وفي حالة لو المواطن مسددش الفاتورة خلال 90 يوم بيتم إيفاف تشغيل الهاتف المحمول .

من يوم القرار ده وفي اسئلة كتيرة انتشرت في الشارع المصري وعلي مواقع التواصل الاجتماعي عن خطوات شراء تليفون امن بدون ما يكون عليه جمارك، أو يفاجي المواطن بعد ما يشتره أن التلفون متهرب من الرسوم الجمركية.

السؤال ده جاوبت عليه وزارة المالية واللي نصحت المواطنين وقت شراء اي تليفون جديد أنهم يتاكدوا من الحصول على فاتورة ضريبة وقت الشراء ويكون مسجل فيها الرقم التعريفى للجهاز واللي بيكون مكون من 15 رقم، وكمان استخدام تطبيق تليفونى للاستعلام عن الجهاز الجديد قبل شرائه ومعرفة موقف تسجيل الجهاز والرسوم المستحقة عليه في حالة وجودها.

الوزارة أنه تسجيل الرسوم الجمركية علي التلفونات المحمولة بيتم بشكل الكتروني عن طريق تطبيق تليفونى، والمواطن مش محتاج يتعامل مع اي موظفين جمارك وقت وصوله للمطارات من الخارج وهيقدر بكل ارحيه يسدد الرسوم الجمركية أون لاين خلال مدة 3 شهور من تاريخ الشراء.

طيب ليه الدولة فرضت رسوم جمركية جديدة علي الهواتف المحمولة؟
السؤال ده جاوب عليه الدكتور مصطفي مدبولي رئيس مجلس الوزراء واللي  أكد أن أى جهاز بيدخل البلاد بيخضع لضرائب ورسوم بتسدد للدولة، وحجم الأجهزة اللى دخلت للبلاد بصورة مهربة كان كبيرة وبأعداد مهولة،وكل البلاد حاليا بتلجأ للنوع ده من الإجراءات لضبط السوق، وتشجيع الصناعة المحلية على النمو.

رئيس مجلس الوزراء قال ان الاجراء الجديد بفرض رسوم جمركية هدفه تشجيع الصناعة المحلية، خصوصا أن مصر عندها حاليا 5 شركات دولية لها مصانع في مصر لإنتاج المحمول وهدف القرار هو منع المؤثرات الخارجية علي الصناعات المحلية، وتشجيع الصناعة المحلية علشان تكون قادرة علي المنافسة.