غاية التعليمية يكتُب.. الحكومة لسه بتراهن علي قطاع السياحة ومستهدفة في 2025 تحقق ارقام كبيرة.. لكن المرة دي الزيادة هتكون من ألمانيا.. ياتري اية اللي بتعمله الدولة في ألمانيا.. والدولة مستهدفة تحقيق كام سائح السنة دي.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

قطاع السياحة واحد من القطاعات اللي قدرت عدد كبير من الدول من خلال قيادة حركة التنمية الاقتصادية عندهم، خصوصا أن قطاع قابل للتطوير وبصورة كبيرة وايراداته بتسمع بشك وقتي في الاقتصاد القومي للدول قبل حتي ما السائح يطلع من بلده ولا يركب الطيارة في طريقه لقضاء نزهه سياحية أو اجازة خارجية في اي دولة في الخارج وه بسبب أن اغلب البرامج السياحية بتكون مدفوعة مقدما.

الارقام اللي حققتها مصر السنة اللي فاتت وعلي الرغم من التوترات والتحديات الجيوسياسية اللي موجودة في منطقة الشرق الأوسط واللي قدرنا نوصل فيها لتحقيق 15.7 مليون سائح وتحقيق أكثر من 15 مليار دولار كايرادات للقطاعات فتحت نفس الحكومة علي تحقيق ارقام اكبر في السنة الحالية، خصوصا أن الدولة مستهدفة تحقيق اكثر من 18 مليون سائح وتحقيق اكثر من 18 مليار دولار كايرادات للقطاع.

طيب اية بتعمله الحكومة في ألمانيا.. واية سر الاهتمام المصري بالسياحة الوافدة من ألمانيا؟.
في السنين اللي فاتت وفي الفترات اللي السياحة المصرية شهدت انخفاض كبير في حركة السياحة الوافدة للسوق المصري من روسيا بسب حادث سقوط الطائرة الروسية المنكوبة فوق شبه جزيرة سيناء، مصر سجلت ارقام كبيرة وغير متوقعة في اعداد  السائحين الوافدين من السوق الألماني للمقاصد والمنتجعات السياحية  خصوصا في البحر الاحمر، وساعتها خبراء السياحة اطلقوا علي السياحة الالمانية لقب الحصان الأسود خصوصا أن الارقام تعدت كل التوقعات .

الأرقام الكبيرة اللي حققها قطاع السياحة من الحركة الوافدة من السوق الألماني خلت الحكومة تبص نظره مختلفة للسوق الألماني وتبحث أزاي نزود ونعلي الأرقام اللي جاية من هناك، وشافت انه ده هيحصل من خلال زيادة الفعاليات والمشاركات الخارجية في المعارض السياحية وزيادة جهود الترويج السياحي في السوق الالماني لزيادة حركة السياحة الوافدة لمصر.

الخطط اللي قامت بيها الحكومة بدأت تترجم علي ارض الواقع، وفعلا وزارة السياحة والأثار حاليا بتشارك في واحد من اهم المعارض السياحية في العالم وهو بورصة لندن السياحية الدولية واللي بتحظي بمشاركة دولية كبيرة من اغلب دول العالم.

المشاركة المصرية خلال العام الحالي مميزة عن كل السنين اللي فاتت، خصوصا ان الجناح المصري جاي تصميمه علي شكل معبد فرعوني، وكمان تضمن ابراز اغلب المنتجات السياحية المصرية للزائرين ده غير كمان التركيز علي الافتتاح المرتقب للمتحف المصري الكبير واللي هيكون يوم 3 يوليو اللي جاي والترتيبيات اللي بتقوم بيها الدولة لحفل الافتتاح علشان نعمل حالة شغف عالمي للمتحف والقطع الاثرية اللي هيعرضها وده واحد من اهم الخطوات الترويجية اللي الدولة بتقوم بيها لزيادة الاقبال السياحي علي مصر من الخارج.