غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

التصنيع في كل المجالات وشراكات دولية ومفيش مصنع هيقفل تاني.. إيه اللي قاله الرئيس السيسي النهاردة وإيه الانطلاقة الجديدة اللي هتحصل في الصناعة.. تعالوا نشوف إيه الحكاية في التقرير التالي.

النهاردة الرئيس عبد الفتاح السيسي عقد اجتماع مع رؤساء عدد كبير من كبري الشركات الدولية العاملة في قطاع الصناعة واللي في نفس الوقت المشاركين في النسخة التالتة من الملتقى والمعرض الدولي السنوي للصناعات اللي بتنظمه مصر في الفترة من 25 إلى 27 نوفمبر الحالي.. طبعا الدكتور مصطفى مدبولي رئيس مجلس الوزراء، كان حاضر ومعاه المهندس كامل الوزير نائب رئيس مجلس الوزراء للتنمية الصناعية ووزير الصناعة والنقل، والمهندس محمد زكي السويدي رئيس اتحاد الصناعات المصرية.

الرئيس السيسي استغل التجمع الضخم لرؤساء الشركات الكبرى دي وشرح الخطوط العريضة للانطلاقة الصناعية اللي مصر شغالة عليها والحوافز اللي بتقدمها الدولة لتشجيع القطاع الصناعي واللي بهدف توطين الصناعة وتشجيع استخدام التكنولوجيا في الصناعة.

السيسي اتكلم كمان عن تطوير الصناعات التكنولوجية المتخصصة والجملة الأخيرة دي نحط تحتها مليون خط لأن مصر كانت بعيدة جدا عن التخصص الدقيق والصعب دا لفترة طويلة لأن الصناعات التكنولوجية دي كانت مقصورة على الدول المتقدمة والشركات العالمية كانت محتكراها .
الرئيس شدد كمان على التوسع وتعزيز الصناعات الصغيرة والمتوسطة  في مصر وزيادة تنافسيتها وقال الرئيس صراحة إن الحكومة المصرية هتواصل بذل الجهد واتخاذ ما يلزم من قرارات وإجراءات لإزالة العقبات أمام المستثمرين.

مش دا وبس كمان الرئيس اتكلم على تفعيل الشراكات مع الكيانات الإقليمية والدولية وكمان السيسي قال حاجة مهمة جدا في الاجتماع مع رجال الصناعة الأجانب ورؤساء الشركات وهي لما أكد التزام مصر بدعم القطاع الصناعي وإنها على استعداد لتعزيز التعاون مع القطاع الخاص الأجنبي من خلال تفعيل مشروعات مشتركة ونقل الخبرات للعمالة المصرية.

في خلال الاجتماع الرئيس السيسي وجه تكليف مهم جدا وهي إنه لازم يكون فيه مكون محلي بنسب كبيرة في المنتجات النهائية، وكمان توطين صناعة مستلزمات الإنتاج زي الآلات والمكن وخطوط الانتاج المختلفة ودا هيرفع القيمة المضافة للصناعة المصرية وفي نفس الوقت هتعزم مكاسب المستثمرين في مصر .. يعني الرئيس أكد في مجمل الاجتماع إن أولويات مصر في جهود توطين الصناعة، ومن بينها الاستثمار في توفير مستلزمات تحلية وإعادة تدوير المياه، بما يدعم المشروعات الوطنية ذات الصلة.

أهمية الاجتماع زي ما قلنا إنه كان مع الرئيس شخصيا  واللي كانوا حاضرين رؤساء الشركات المتخصصة في قطاعات مهمة جدا زي صناعة السيارات والصناعات المغذية والأجهزة المنزلية والصناعات الهندسية وصناعة الأخشاب والأثاث  ىالصناعات الغذائية ودا غير صناعة المنسوجات وصناعة مستحضرات التجميل وقطاع الإنشاءات ومحطات التحلية والحقيقة كان الاجتماع مثمر والناس اتشجعت على الاستثمار في مصر بعد ما شافوا بعينهم اللي بيحصل فيها من تشجيع واهتمام الرئيس وأكدوا حرصهم على الاستجابة لسياسة الدولة المصرية وتوجيهات الرئيس في توطين الصناعة وزيادة المنتج المحلي في التصنيع وقالوا إن الحكومة المصرية قدمت تسهيلات وإعفاءات ضريبية تشجيعاً للاستثمار.