غاية التعليمية يكتُب.. يا ترى ايه اللي بيحصل في سوق الدهب دلوقتي؟ هو الدهب فعلاً نزل ولا دي مجرد حركة مؤقتة وهيرجع يطلع تاني؟ وليه سعره بقى يترنح كده في مصر اليومين دول؟.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

لو بتتابع سوق الدهب  أكيد لاحظت إن عيار 21 بدأ يتراجع بشكل ملحوظ الكام يوم اللي فاتوا طب ايه اللي حصل؟ وايه اللي ممكن يحصل؟ تعالوا نفهم الصورة دي مع بعض خطوة بخطوة.

الدهب مش بينزل لوحده فيه عوامل كتير بتتحكم فيه .. وخلال الكام يوم اللي فاتوا حصلت كام حاجة مهمة.. أولاً.. الدهب عالمياً خد صدمة.. سعر الأونصة تراجع من مستوياته القياسية اللي كان وصلها فوق الـ 2900 دولار.. وبقى يتداول دلوقتي حوالي 2860 دولار يوم الخميس اللي فات عشان الدولار الأمريكي بدأ يقوى تاني بعد ما البنك الفيدرالي الأمريكي ثبت أسعار الفايدة عند 5.25%.. الناس لما شافت الدولار بيرجع يشد عضلاته قالت طب ليه نستثمر في الدهب لما ممكن نكسب أكتر في السندات أو العملة.
أما  في مصر فالعرض والطلب لعبوا دور كبير خلال الفترة اللي فاتت.. الناس كانت بتبيع الدهب اللي عندها عشان تستفيد من الأسعار العالية اللي وصلها عيار 21  اللي كان بيتداول فوق الـ 4200 جنيه من كام أسبوع.. و لما البيع زاد العرض بقى أكبر من الطلب.. وده ضغط على السعر لتحت.

ومش بس كده.. سعر الصرف في البنوك المصرية لسه مستقر نسبياً.. يعني مافيش طفرة في سعر الدولار جوة مصر ترفع الدهب زي ما حصل قبل كده.

و فيه خبراء بيقولوا إن السوق العالمي شاف عمليات ‘جني أرباح’ قوية. . يعني  المستثمرين الكبار قالوا خلاص، احنا كسبنا كتير من الدهب السنة دي، يلا نبيع دلوقتي ونقبض الكاش.. وده بيحصل كتير لما الدهب يوصل لقمة سعرية الناس بتبيع عشان تخاف السعر ينزل فجأة ويخسروا.
طب ايه الوضع دلوقتي في مصر؟ 
النهاردة لو بصينا على آخر تحديث لأسعار الدهب في الصاغة، عيار 21 بيتداول حوالي 4050 جنيه للجرام – بعد ما كان وصل 4145 جنيه من كام يوم بس. يعني فيه انخفاض حوالي 80-90جنيه في أقل من أسبوع… عيار 24 كمان نزل لـ 4660 جنيه، والجنيه الدهب بقى حوالي 32,640 جنيه. النزول ده مش كبير أوي بالنسبة للي حصل قبل كده.. لكنه كفاية عشان يخلّي الناس تسأل: ‘اشتري دلوقتي ولا استنى؟’
اللي بيحصل في مصر دلوقتي هو انعكاس للي بيحصل برا.. لكن فيه حاجة مهمة.. السوق عندنا بيتأثر كمان بالعادات.. مثلاً احنا في فترة ما بين مواسم الخطوبة والجوازات يعني الطلب على المشغولات الدهبية بيقل شوية وده بيدي فرصة للأسعار تهدى.
نيجي لسؤال المهم السعر رايح فين الفترة الجاية؟
محدش عنده قدرة يعرف الدهب رايح فين  بالظبط، لكن فيه توقعات من خبراء السوق بنقدر نعتمد عليها..  أول حاجة لو الدولار العالمي فضل قوي والفيدرالي مش هيخفض الفايدة قريب يبقى الدهب ممكن يفضل تحت ضغط وينزل شوية كمان يمكن عيار 21 يوصل لحوالي 4000 جنيه أو أقل.
لكن فيه سيناريو تاني لو حصل توترات سياسية أو اقتصادية جديدة – زي مثلاً تصعيد في حرب أوكرانيا وروسيا أو أزمة في الشرق الأوسط – الناس هترجع تتهافت على الدهب كملاذ آمن وساعتها السعر ممكن يقفز تاني ويعدّي الـ 4200 جنيه بسهولة.. وفي مصر، لو سعر الصرف اتغير أو البنك المركزي خد قرارات جديدة بخصوص الفايدة يبقى الدهب هيتأثر على طول. يعني لو الجنيه نزل قيمته، الدهب هيطلع حتى لو العالمي مستقر.