غاية التعليمية يكتُب.. البراندات العالمية نازلة بتقلها السوق المصري.. ايه حكاية صفقة فريزرز البريطانية وليه اختارت السوق المصري..

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

من ساعات انتشر خبر مهم جدا محدش خد باله منه وهو إعلان مجموعة الأزياء والملابس الرياضية البريطانية العالمية "فريزرز"  عن شراكة لمدة 10 سنين مع شركة جي.إم.جي، ومقرها دبي لإطلاق علامتها التجارية الرائدة سبورتس دايركت في منطقة الخليج ومصر.

وحسب بيان  المجموعة اللي رجل الأعمال البريطاني الشهير مايك آشلي بيملك فيها حصة حاكمة الشراكة الجديدة بتستهدف افتتاح 50 متجر جديد لعلامة سبورتس دايركت خلال السنين الخمسة الجاية ولو متعرفش سبورتس دايركت هي علامة عالمية في صناعة الأحذية والملابس والمعدات الرياضية وكمان شركة جي.إم.جي بتدير علامتها التجارية صن آند ساند سبورتس وبتشرف كمان على متاجر نايكي وجيه.دي سبورتس في الشرق الأوسط وشمال أفريقيا وآسيا .

طبعاً دخول علامات تجارية دولية مهمة في سوق المنتجات الرياضية زي منتجات فريزرز  دعاية لاتقدر بثمن للسوق المصري وشهادة نجاح للدولة المصرية في جذب العلامات التجارية والاقتصادية العالمية للسوق المصري وفرصة لزيادة ضخ استثمارات جديدة وجذب شركات تانية في نفس المجال لأن سوق الاستثمار والتجارة بيقوم على التنافس بين الشركات العالمية واللي مش بتروح أي سوق وخلاص لكن بناء على دراسات جدوى عميقة للأسواق الجديدة ومصر قدرت تقدم حوافز كتير للشركات العالمية سواء لإقامة مصانع ليها في مصر أو عمل شراكات مع شركات مصرية في السوق المصري.

لو بتسأل ليه الشركات العالمية بتيجي مصر.. هنقول لحضرتك لأن السوق المصري دلوقتي متصدر الأسواق الناشئة في الشرق الأوسط وشمال أفريقيا وفي كل القارة السمراء حسب بيانات المؤسسات المالية الدولية المتخصصة في تتبع الاستثمارات ودا لأن الحكومة المصرية قدمت تسهيلات كتيرة للمستثمرين بجانب سهولة نفاذ منتجات الشركات دي لأسواق مهمة في افريقيا والشرق الأوسط وآسيا كمان ودا بخلاف البنية الأساسية الحديثة اللي أنشأتها مصر في السنين اللي فاتت من مواني وطرق تجارية ولوجستيات وقربها من الأسواق العالمية المهمة بجانب الاستقرار المالي والامني في مصر.

كمان دخول منتجات الشركة البريطانية هيمهد الطريق أن مصر تشارك في إنتاج المنتجات الرياضية أو إقامة مصانع للعلامة التجارية البريطانية في مصر وعشان تعرف قد ايه الموضوع ده مهم كفاية نقولك إن حجم الاستثمارات في صناعة الأدوات الرياضية بيوصل ل662 مليار دولار للأحذية الرياضيه فقط ومتوقع يتخطى التريليون دولار في 2031 ودا بيكشف حجم السوق اللي مصر ممكن تستفيد منه في الأيام الجاية.