غاية التعليمية يكتُب.. الدولة كلها حاليا مركزة علي مشروع الربط الكهربائي المصري السعودي وفي اجتماعات بيحصل علي مستوي المسئولين في البلدين لمناقشة تفاصيل المشروع.. ياتري اية سر الاهتمام الكبير بالمشروع ده.. وازاي مصر هتستفاد منه.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

 
مصر في الوقت الحالي عندها خطة أنها تتحول لمركز إقليمي لتبادل الطاقة وعلشان كده الحكومة بتحارب مع الزمن للانتهاء من خطة مشروعات الربط الكهربائي مع دول الجوار زي ليبيا والسودان واليونان وقبرص وأخيرا المملكة العربية السعودية واللي مشروع الربط الكهربائي معاها وأخذ جزء كبير جدا من اهتمام الحكومة.

مشروع الربط الكهربائي المصري السعودي واحد من أهم المشروعات اللي الدولة المصرية هتقوم بيها لتأمين الطاقة في مصر في الألفية الجديدة وده لسبب بسيط جدا وهو أن المشروع بيربط أكبر شبكتين في الوطن العربي، وكمان جاي في وقت مصر والسعودية في أشد الحاجة له وده بسبب الارتفاعات الكبيرة في درجات الحرارة في السعودية واللي طبعا بتكون المملكة هناك محتاجة لمزيد من طاقات الكهرباء لتشغيل المبردات وأجهزة التكييف والمراوح للتكييف مع درجات الحرارة العالية هناك وكمان تشغيل المناطق الصناعية والاستثمارية والسياحبة اللي موجودة في المملكة، وعدم وجود أي قطع للتيار الكهربائي علي مدار الساعة.
طيب إزاي مصر هتستفاد من مشروع الربط الكهربائي مع السعودية ؟.
مصر حاليا عندها خطة للوصول بنسبة الطاقات المتجددة علي الشبكة الموحدة للكهرباء ل 40% في 2030 وكمان هنوصل ل 60% من حجم الطاقة المستهلكة محليا بحلول 2040، وطبعاً الرقم ده كبير جدا وخليكي مصر عندنا فائض كبير في الطاقة المنتجة والطاقة دي لازم الدولة تستفاد منها والاستفادة دي هتكون عن طريق البيع، وعلشان الحكومة تبيعها لازم تكون فيه خطوط نقل الكهرباء واللي هتنقل الكهرباء من مصادر الإنتاج الي أماكن الاستهلاك، وده اللي بتعمله الدولة واللي عملت نسبة كبيرة من خطوط نقل الطاقة الكهربائية من مصر لباقي دول العالم في ال3 قارات الأساسية وهما قارات أوروبا واللي هنوصل لهم عن طريق مشروعات الربط الكهربائي مع اليونان وقبرص وقارة آسيا واللي هنوصل لها عن طريق مشروعات الربط الكهربائي مع السعودية وأفريقيا واللي بطنا معاهم بالفعل من خلال مشروعات الربط الكهربائي مع ليبيا والسودان.
طيب اية سر الاهتمام بمشروع الربط الكهربائي بين مصر والسعودية ؟.
الاهتمام الكبير اللي بيحظي بيه مشروع الربط الكهربائي مع السعودية سببه أن السعودية بتعد مستهلك رئيسي وقائم للتيار وكمان هتكون بوابة لمصر لتصدير الكهرباء واللي فيها عدد كبير من الدول نفسهم في وجود اي فرصة لتزويد الشبكات الموحدة عندهم بطاقات جديدة في أي وقت خصوصا وقت الذروة، وهنا مصر هتكون قادرة من خلال الخط ده تصدير الكهرباء لدول دول قارة آسيا.