غاية التعليمية يكتُب.. يا ترى إيه هو سر ارتفاع تحويلات المصريين في الخارج في الفترة الأخيرة وتسجيلها معدل قياسي، هل عشان البنك المركزي حرر سعر الصرف وبالتالي أصبحت العملات الأجنبية متوفرة في البنوك وبسعر عالي كمان بدل السوق السوداء، ولا في إجراءات جديدة اتبعها القطاع المصرفي عشان يحذب الفلوس دي ليه، وليه التحويلات دي مهمة للاقتصاد المصري.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

طبعا، تحويلات المصريين في الخارج بتعتبر أهم تاني مصدر من مصادر دخل مصر من النقد الأجنبي، واللي لها دور كبير في زيادة الاحتياطي النقدي الأجنبي المصري والاستقرار الاقتصادي وتعويض العجز التجاري للبلاد، وطبعا زيادة إيرادات مصر من النقد الأجنبي بيساهم في استقرار سعر صرف العملة الأجنبية مقابل الجنيه نتيجة زيادة حجم المعروض من النقد الأجنبي.

وفي الفترة الأخيرة، ارتفعت تحويلات المصريين العاملين في الخارج وتحديدا خلال سنة 2024، عشان تسجل 29.6 مليار دولار بمعدل 51.3%، وده مقابل  19.5 مليار دولار خلال السنة اللي قبلها وهي 2023.

ونقدر نقول إن في أسباب كتيرة ساهمت في زيادة تحويلات المصريين في الخارج، واللي أهمها هي السياسة النقدية الناجحة اللي اتبعها البنك المركزي من وقت إصدار قرار تحرير سعر الصرف في شهر مارس 2024، واللي ساهمت في القضاء على السوق السودا للعملة، ووجود سعر موحد للدولار واستقرار سعر الصرف على مدى العشرة أشهر اللي فاتت، فده أدى لعودة وزيادة ثقة العاملين بالخارج.

كمان، تحويلات العاملين بالخارج خلال شهر ديسمبر اللي فات، سجلت 3.2 مليار دولار، ودي بتعتب زيادة كبيرة مقارنة بنفس الشهر في السنة اللي قبلها واللي كانت 1.6 مليار دولار، كمان التحويلات سجلت في نوفمبر اللي فاع 2.6 مليار دولار وفي أكتوبر 2.9 مليار دولار، وموقع إنها تستمر في الزيادة على مدار سنة 2025.

ومع استدامة استقرار سعر الصرف لفترة طويلة من شهر مارس اللي فات، خاصة وإن سعر صرف الدولار تراوح ما بين 47 جنيه لحد 51 جنيه، فده بيعتبر عامل جذب جديد لأموال المصريين في الخارج.

برضو، السياسة النقدية الناجحة المتبعة دلوقتي ساهما في زيادة الثقة في الاقتصاد المصري وزيادة تحويلات المصريين بالخارج، وده بجانب زيادة معدلات التنازل عن الدولار للمصارف الرسمية، وكل ده طبعا عزز من قدرة البنوك على تلبية قوائم الانتظار الخاصة بالعملة الأجنبية بسبب توافر النقد الأجنبي فيها.

ضيف عندك إن من أسباب زيادة تحويلات المصريين بالخارج، هو الاستفادة من سعر الفائدة المرتفع بالبنوك، بجانب مبادرة طرح أراضي وعقارات بالعملة الأجنبية للمصريين بالخارج، عشان كده متوقع جدا  تستمر زيادة التحويلات دي.

ضيف على كل ده، إن تسهيل التحويلات المالية عبر تطبيق "إنستا باي" في بعض الدول المحيطة، سهل عملية تحويلات المصريين في الخارج لأهلهم جوه مصر، فكل ده ساهم في زيادة التحويلات واللي متوقع أنها هتوصل لمعدل غير مسبوق في الفترة الجاية.