غاية التعليمية يكتُب.. يا ترى الرئيس الأمريكي دونالد ترامب، ناوي على إيه مع الصين، هل فعلا بدأ يطبق سياساته الصارمة بخصوص تفعيل الرسوم الجمركية على صادرات بكين في أميركا، ولا ده مجرد تهديد، طب في حالة التنفيذ هل بكده نقدر نقول اننا داخلين على حرب اقتصادية طاحنة بين أكبر عملاقين اقتصاد في العالم ولا إيه اللي هيحصل.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الحقيقة، إدارة الرئيس الأميركي دونالد ترامب، استهدفت في الفترة الأخيرة، الصين بسلسلة من الإجراءات المرتبطة بالاستثمار والتجارة ومجالات تانية برضو، وده بيرفع من احتمال تدهور العلاقات بين الولايات المتحدة وأكبر منافسيها الاقتصاديين وهي الصين.

وخلال الأيام اللي فاتت، قدم ترامب مذكرة للجنة حكومية رئيسية، بيطالب فيها بفرض قيود على استثمار الصين في التكنولوجيا والطاقة وقطاعات إستراتيجية تانية داخل أمريكا، وفي نفس الوقت، دعت الإدارة الأميركية المسؤولين المكسيكيين لفرض رسوم جمركية على الواردات الصينية.

كمان، أمريكا اقترحت فرض رسوم أميركية على استخدام السفن التجارية الصينية، وده بهدف التصدي لهيمنة الدولة الآسيوية على صنع السفن، عشان كده انخفضت أسهم شركات الشحن الصينية بعد صدور المقترح ده، وحصل تذبذب في أداء مؤشر "سي إس آي 300" (CSI 300) الرئيسي للأسهم.

ونقدر نقول إن الإجراءات الأميركية الأخيرة دي، هدفها هو خنق استثمارات الصين داخل أمريكا، وبتوصف بأنها إجراءات ترامب شمولاً وحزماً ضد الصين خلال ولايته التانية، لكن من الواضح إن المذكرة اللي قدمها ترامب هيكون لها التأثير الأكبر بين سلسلة الإجراءات المتخذة خلال الأيام الأخيرة.

والكلام ده بيؤكد إن أمريكا بتعتبر بكينبا منافسة أجنبية، ولازم تعمل  تغييرات عشان تحمي أغلى ما تملكه الولايات المتحدة، وهي التكنولوجيا، والإمدادات الغذائية، والأراضي والمعادن والمواني ومحطات الشحن والموارد الطبيعية.

ومن هنا، ردت الصين، وطالبت واشنطن بوقف تسييس القضايا الاقتصادية والتجارية واستخدامها كسلاح ضدها، وأكدت كمان أن جهود الحكومة الأمريكية لتشديد صرامة مراجعات العلاقات التجارية بدواعي أمنية هيقوض ثقة الشركات الصينية اللي بتستثمر في الولايات المتحدة بشكل خطير.

واللي بيحصل ده بيعتبر خلاف أكبر اقتصادين في العالم، لأن بسببه هتنخفش استثمارات الصين في أميركا، عشان كده المواجهة بين الصين وأميركا قربت جدا، وبالتاكيد في طرف منهم هيخسر بشكل كبير، ولكن في كلتا الحالتين العالم كله هيتأثر بالصدام الاقتصادي الأمريكي- الصيني، واللي ممكن جدا بتسبب في تغيير خريطة الاقتصاد العالمي وظهور النجم الأوحد، واللي قرارته هتبقى ملزمة للعالم كله.

كمان، الحرب الاقتصادية دي كل العالم هيتأثر بيها خاصة الدول النامية، وممكن تأثر على سلاسل الغذاء في كل دول العالم، وترفع معدلات التضخم يعني ترتفع أسعار السلع من جديد في دول كتير هتتأثر بالحرب دي.

ولكن في النهاية، تفتكر ترامب هينجح في خنق الصين اقتصاديا، ولا هيحصل العكس؟