غاية التعليمية يكتُب.. الدولة حاليا بتجهز مفاجاة للفئات من محدودي ومتوسطي الدخل، ياتري اية هيا المفاجاة دي .. وازي المواطن المصري يقدر يستفيد منها.. وامتي الحكومة هتعلن تفاصيلها.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

مصر في الوقت الحالي بتعاني من ازمة كبيرة في قطاع الإسكان علي الرغم من توافر اعداد كبيرة جدا من العقارات المعروضة للبيع، لكن الاسعار الخرافية اللي معروضة العقارات دي تسببت في عزوف ناس كتيرة عن الدخول فيها خصوصا ان السوق المصري بيعاني من فقاعة عقارية والفقاعة دي هيا ان أسعار العقارات المعروضة أعلي بكتير من سعرها الحقيقي، ودي السبب الاساسي في ازمة الأسكان في مصر.

الحكومة علشان تحل الأزمة دي بدأت تجهز اجندة طويلة من العروض واللي بتتنوع ما بين عروض اراضي وشقق اسكان فاخر وشقق اسكان متوسط وشقق اسكان اجتماعي وفي نسبة كبيرة من الشقق المعروضة بيكون تسليمها فوري، ونسبة تانية بيكون تسليهما بعد مدة وفقا لكراسة الشروط بتاع كل مشروع واللي غالبا بتوصل لـ3 سنين.

في خلال الكام شهر اللي فاتوا الحكومة طرحت عدد كبير من المشروعات خصوصا في الشقق السكنية واللي كان عليها اقبال كبير جدا من الناس، وأولهم الأسكان الإجتماعي واللي حقق ارقام مكنش حد يتوقعها خصوصا ان الدولة اعلنت عن طرح 72 الف شقة سكنية ما بين متوسط ومحدود الدخل، ولكن اللي تقدموا للحجز تعدي 700 الف مواطن يعني 1 من كل 10 مواطنين هياخذ شقة في الأعلان الجديد لسكن كل المصريين 5 واللي جاي ضمن المبادرة الرئاسية سكن لكل المصريين.
طيب اية المفاجاة اللي الحكومة بتحضرها للشعب المصري وامتي هتخرج للنور؟.
بعد الإقبال الرهيب من الناس علي حجز شقق سكن كل المصريين 5، الحكومة شافت أنها لازم تبني وتجهز عدد كبير من الشقق اللي تم عرضها خلال الفترة اللي فاتت واللي وصلت لـ72 الف شقة، والحكومة اعلنت من كام ساعة عن استعدادها لطرح 400 الف وحدة سكنية للاسكان الاجتماعي للفئات محدودي ومتوسطي الدخل.
الحكومة قالت ان الطرح الجديد لشقق الإسكان الاجتماعي واللي هيوصل لـ400 الف شقة اسكان اجتماعي هيكون في اغلب المحافظات المصرية وهيكون بمساحات مختلفة وفقا لازقات الناس، وأنه هيتم البدء في إجراءات الطرح والإعلان لفتح باب الحجز عقب إجازة عيد الفطر المبارك، وهيتم الأعلان عن التفاصيل بالحجز والأوراق المطلوبة للحجز والية السداد والمبالغ اللي هيدفعها المواطنين كمبالغ جدية حجز بعد أجازة عيد الفطر المبارك، والمفاجاة الكبيرة أن في نسبة كبيرة من الشقق دي جاهزة بالفعل للتسليم الفوري .
مجلس الوزراء اعلن كمان انه هيتم تشكيل فرق عمل مشتركة بين وزارة الإسكان والمرافق والمجتمعات العمرانية، والهيئة الهندسية للقوات المسلحة، للاتفاق على تفاصيل الطرح، وعدد الوحدات بالتفصيل ومساحاتها ونسب التنفيذ، خاصة وهيتم عرضها في وقت قريب جدا علي رئيس مجلس الوزراء، علشان الحكومة ترفعه للعرض علي رئيس الجمهورية للتصديق علي المشروع.