غاية التعليمية يكتُب.. هو ايه اللي بيحصل في قطاع السياحة دلوقتي وايه حكاية مرسي علم وايه اللي بيتنفذ فيها دلوقتي وازاي السياحة المصرية هتبقى عمود الاقتصاد المصري وهتضرب الدولار بالقاضية..

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

السياحة في أي بلد بتعتبر كنز اقتصادي بخلاف القطاعات الاقتصادية التانية.. طيب ليه ؟.. هنقول لحضرتك.. لأن الدولار اللي بيجي من السياحة دولار مختفظ باغلب قيمته بمعني الدولة مش بتدفع كتير قصادة حاجة زي مثلاً الدولار اللي بيجي من التصدير لان الدولة بتدفع فيه لوازم انتاج ومواد خام وطاقة وغيرها عشان تعرف تصدر لكن السباحة زي قناة السويس سيرفس أو خدمات وعشان كده بتكون إيراداتها الدولارية خالصة وقوية ومش بتكلف الدولة حاجة قصادها وفيه دول كتير متقدمة اقتصاديا في الصناعة والتجارة والتصدير لكن بتعتمد في المقام الأول على السياحة في توفير الرفاهية لشعوبها زي فرنسا واسبانيا واللي بيحققوا مكاسب خرافية من السياحة وكل واحدة فيهم بتستقبل اكتر من 70 مليون سائح سنويا ودا سبب رفاهيتهم.

مصر بامكانياتها السياحية قادرة تتجاوز فرنسا واسبانيا في عدد السياح ورقم ال30 مليون سايح المستهدف مجرد بداية للوصول للحلم وبدأت السياحة المصرية تسترد عافيتها بتحقيق رقم قياسي في 2024 وتجاوزت الإيرادات السياحية لمصر خلال العام الماضي 14.1 مليار دولار، بنمو 8%، واستقبلت 15.7 مليون سائح مقابل 14.9 مليون خلال 2023 ومتوقع موسم 2025 تحقق موسم أكبر بكتير من اللي حققته السنة اللي فاتت.

في نفس الوقت لازم نعترف أن الطريق صعب للوصول للطفرة السياحية زي فرنسا واسبانيا ودا لأن قطاع السياحة قائم على البنية الأساسية السياحية من فنادق وغرف فندقية ومصر محتاجه 500 ألف غرفة فندقية جديدة كل سنة عشان تستوعب الزيادة في تدفقات السياح المتوقعة بعد التطوير الكبير اللي حصل في المطارات والموانئ والنقل والطرق والسكة الحديد اللازمة لخدمة الحركة السياحية والمشكلة دلوقتي في مصر هي الحاجة الماسة لزيادة الغرف السياحية زي ما قلنا.

طيب مصر بتعمل ايه دلوقتي عشان تحل الأزمة دي ؟.
الحقيقية مصر بدأت خطة طموحة لمضاعفة اعداد الغرف الفندقية والفنادق والمنتجعات الفندقية في الساحل الشمالي والقاهرة وفي البحر الأحمر والأقصر وأسوان وكل المناطق السياحية عشان تستوعب الزيادة الجديدة في اعداد السياح وقدرت مصادر بقطاع السياحة المصري عدد الغرف الفندقية تحت الإنشاء في منطقة مرسى علم  على سبيل المثال واللي هتدخل التشغيل خلال العام الجاري 2025 وحتى نهاية 2026 بحوالي 9 آلاف غرفة باستثمارات تتراوح بين 900  مليون دولار إلى1.3 مليار دولار.

وكشفت مصادر  أن الطاقة الفندقية العاملة في مرسى علم تتجاوز 12 ألف غرفة، والنمو في الطاقة الفندقية اللي هتدخل  الخدمة خلال 24 شهر الجاية بسبب عمليات التوسعات في الفنادق القائمة بالتزامن مع صفقات استحواذ على فنادق تحت الإنشاء مع نمو الطلب السياحي على قضاء العطلات في المنطقة والانتعاش الكبير المتوقع في القطاع السياحي المصري بشكل عام في 2025 وما بعدها.

وحسب مصادر في وزارة السياحة مصر بتسعى لزيادة الطاقة الفندقية العاملة ما بين 450 و500 ألف غرفة في إطار استهداف جذب 30 مليون سائح بحلول 2030 بإيرادات 30 مليار دولار باعتبار قطاع السياحة من أهم مصادر النقد الأجنبي إلى جانب الصادرات غير النفطية وتحويلات المغتربين والاستثمارات الأجنبية المباشرة، وعائدات قناة السويس.