غاية التعليمية يكتُب.. يا ترى ايه حكاية البعثات التجارية الألمانية اللى هتوصل مصر فى النص التانى من 2025؟ وايه حجم التبادل التجارى بين القاهرة وبرلين؟ وايه اهم القطاعات اللى الشركات الألمانية حاطة عينها عليها فى مصر؟

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في النص التاني من 2025مصر هتستقبل 3 بعثات تجارية ألمانية كل بعثة متخصصة في مجال حيوي يعني عندك مثلا شركات متخصصة في كفاءة الطاقة للمباني.. ودي هتكون ضمن الوفد الأول اللى  هيجي في يونيو، وهدفه استكشاف سُبل تحسين كفاءة الطاقة في المباني المصرية..و ده معناه تقليل استهلاك الطاقة وتوفير تكاليف التشغيل وده هيكون له تأثير إيجابي على البيئة والاقتصاد.

فيه كمان شركات متخصصة فى ميكنة الغزل والنسيج.. ودي هتكون ضمن الوفد التاني المقرر زيارته في سبتمبر وهيكون مركز على تحديث وتطوير صناعة الغزل والنسيج في مصر .. وبالتعاون مع الخبرات الألمانية هنقدر نرفع جودة الإنتاج وننافس في الأسواق العالمية.

كمان فيه شركات من قطاع الأدوية.. ودي هتكون  الوفد التالت هيزور مصر في نوفمبر.. وهيكون مهتم بتعزيز التعاون في مجال الأدوية. ده ممكن يفتح أبواب جديدة لتصنيع أدوية حديثة محليًا وتوفيرها بأسعار مناسبة للمواطنين.

الزيارات دي تم تحديد مواعيدها بعد الانتخابات الألمانية.. وده بيعكس التزام الجانب الألماني بتعزيز التعاون مع مصر في المجالات الحيوية دي.

وبالإضافة للبعثات التجارية، فيه وفد حكومي ألماني هيجي لمصر للتركيز على الاقتصاد الدائري في قطاع التكنولوجيا.. والهدف من الزيارة دي هو تبادل الخبرات مع الحكومة المصرية واستكشاف فرص استثمارية جديدة للشركات الألمانية في مصر.

وكان من المقرر انعقاد الدورة السابعة للجنة الاقتصادية المصرية الألمانية المشتركة في فبراير الجاري.. لكنها اتأجلت للنص التاني من السنة. اللجنة دي بتضم وزير الاستثمار والتجارة الخارجية المصري ووزير الاقتصاد وحماية المناخ الألماني.. وبتعتبر منصة مهمة لمناقشة وتعزيز التعاون الاقتصادي بين البلدين.

طب ايه فرص الاستثمار الألماني في مصر؟

مصر بتوفر فرص استثمارية كبيرة للشركات الألمانية خصوصا في مجالات الطاقة الجديدة والمتجددة والهيدروجين الأخضر..و بفضل الموارد الطبيعية زي الشمس والرياح مصر عندها إمكانيات هائلة لتوليد الطاقة النظيفة.. والتحدي الحقيقي هو نقل وتوزيع الطاقة دي للمستهلكين داخل وخارج مصر وهنا بييجي دور الشركات الألمانية بخبرتها في المجال ده.

وايه متطلبات جذب الاستثمارات الأجنبية؟

عشان نجذب استثمارات أجنبية أكتر.. الشركات بتحتاج لبيئة استثمارية مرنة و تشريعات واضحة واستقرار اقتصادي وسياسي.. بالإضافة لحوافز استثمارية وضريبية تشجعهم على ضخ استثماراتهم في السوق المصري.

وخد بالك التعاون بين مصر وألمانيا مش جديد لكنه بيتطور بشكل مستمر.. والزيارات المرتقبة دي بتعكس رغبة البلدين في تعزيز الشراكة الاقتصادية وتحقيق استفادة مشتركة.. ومع وجود خطط لتطوير البنية التحتية وتحسين مناخ الاستثمار.. المستقبل بيبشر بمزيد من التعاون والمشاريع المشتركة اللي هتعود بالنفع على الجانبين.