غاية التعليمية يكتُب.. ركزت وحدة أبحاث بانكير، على عدد من التقارير الاقتصادية العالمية والمحلية، خلال جولتها في أسواق المال والاعمال والشركات والطاقة حول العالم.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

منصات بانكير قدمت النهاردة عدد من التقارير الخاصة في الشأن الاقتصادي والمالي.. والبداية مع تقرير مهم جدا بخصوص مكاسب  زيارة الرئيس السيسي لأسبانيا.

وشرح التقرير إن زيارة الرئيس السيسي لمدريد، في الأيام اللي فاتت حققت مكاسب كتيرة، أهمها عقد قمة ثنائية مع ملك إسبانيا ورئيس الوزراء الإسباني، إضافة للقائه مع ممثلي بعض الشركات الإسبانية الكبرى، عشان نعزز الشراكة الثنائية والتعاون الاقتصادي بين البلدين، وده بيساهم بشكل كبير في جذب مزيد من الاستثمارات الإسبانية إلى مصر خلال الفترة الجاية.

ولفت التقرير إن زيارة الريس شهدت توقيعه اتفاق ترفيع العلاقات بين مصر وإسبانيا لمستوى الشراكة الاستراتيجية، وكمان توقيع عدد من مذكرات التفاهم فى مجالات التعاون المختلفة، وغير كده السيسي شارك في فعالية اقتصادية مع مجتمع الأعمال والشركات الإسبانية، وعرض الفرص الاستثمارية المتاحة في مصر.

وشرح بانكير إن الزيارة بشكل عام حققت نتائج إيجابية هتعود على الاقتصاد المصري قريب، لأنه هينتج عنه زيادة في حجم الاستثمارات الإسبانية في مصر، وزيادة في حجم التبادل التجاري بين الدولتين خلال الفترة الجاية، خاصة وإن حجم التبادل التجاري بين مصر وإسبانيا وصل ل 3.1 مليار دولار خلال عام 2024، ومتوقع أنه يزيد قريب جدا.

وأشار بانكير إلى  وجود تعاون بين مصر وإسبانيا في مجالات اقتصادية كتيرة، زي الطاقة المتجددة ومعالجة المياه وتحلية المياه والنقل والأسمنت وتكنولوجيا المعلومات والاتصالات والزراعة وتربية الأسماك والجلود والأزياء وتجهيز الأغذية وغيرها.

وقال التقرير إن الفترة الجاية هتشهد شراكات اقتصادية جديدة بين الحكومة المصرية أو القطاع الخاص مع الشركات الأسبانية في مجالات كتيرة.

منصات بانكير قدمت تقرير مختلف عن سر استمرار البنك المركزي في سياسته التشددية.

وأشار التقرير إن البنك المركزي قرر في اجتماع الخميس تثبيت سعر الفائدة على المعاملات المصرفية للمرة الأولي في 2025 بدون أي تغيير.

وشرح التقرير إن قرار البنك المركزي ده بيقف وراه مجموعة من الأسباب، واللي اولها وأهمها حدوث تراجع كبير ومستدام في مستويات معدل التضخم، يعني حصل انخفاض في أسعار السلع خلال الشهور الثلاثة الأخيرة، ومتوقع كمله يحصل تراجع جديد خلال شهر فبراير الحالي، عشان كده البنك قرر تثبيت الفايدة.

ولفت بانكير إن القرار ده بيعتبر إجراء احترازي بعد ارتفاع سعر الدولار في الفترة الأخيرة، وبرضو دخول شهر رمضان الكريم وزيادة الاستهلاك فيه ساهم في اتخاذ قرار تثبيت الفايدة.

ومن ضمن الأسباب اللي شرحها التقرير لقرار المركزي هي السياسة التجارية لإمريكا دلوقتي، خاصة بعد قرار الرئيس دونالد ترامب بفرض رسوم جمركية على الواردات لأمريكا من بعض الدول، واللي هتساهم بشكل كبير في التأثير على سلاسل التوريد العالمية وهترفع معدل التضخم عالميا، وده هيكون له تأثير على كل دول العالم واحنا من ضمنها.

وشرح التقرير إن الإبقاء على سعر الفائدة بدون تغيير، هو لضمان كمان استمرار جاذبية الأجانب في أدوات الدين الحكومية، لأن أسعار الفائدة المرتفعة بتعتبر من عوامل جذب الاستثمارات الأجنبية أو الأموال الساخنة اللي بتدعم الاحتياطيات الأجنبية وبتحقق الاستقرار المالي وكمان بتدعم استقرار سعر الصرف.

التقرير التالي اللي قدمته وحدة أبحاث بانكير كان بخصوص التطورات الأخيرة في السوق العالمي للدهب.

وشرح بانكير إنه في أول شهرين من سنة 2025، سعر الدهب شهد موجة ارتفاع تاريخي غير مسبوقة، ووصل سعر الأونصة لاكتر من 2900 دولار عالميا وفي مصر كسر الجرام 21 اللي هو الاكتر مبيعا حاجز ال 4100 جنيه.

وشرح التقرير الاسباب إن أسعار الدهب بتشهد أعلى مستوى تاريخي وده بيحصل للأسبوع التامن على التوالي، بسبب الدعم الكبير للمعدن الأصفر خاصة في الوقت الحالي اللي بيشهد أزمات سياسية وحروب اقتصادية، عشان كده زاد الإقبال عليه لأنه الملاذ الأمن في الأسواق المالية في وقت الأزمات.

وزاد التقرير إن البنوك المركزية العالمية كمان بتحوط نفسها من الأزمات الاقتصادية فبتلجأ لأنها تشتري كميات كبيرة من الدهب عشان تحصن نفسها ضد أي أزمات اقتصادية متوقعة، عشان كده زادت عمليات شراء الدهب عالميا مع بداية 2025، وكل ده علا من أسهمه وخلا الأسعار نااار.

وأشار التقرير لتحليل منصة جولد بيليون المتخصصة في الدهب لصعود الأسعار وقالت إن سعر الأونصة العالمية انخفض خلال الساعات الأخيرة بنسبة 0.4%.. ولكن رغم الانخفاض المؤقت ده، إلا إن الدهب في طريقه لتسجيل ارتفاع جديد الأسبوع ده، ومتوقع يوصل لنسبة 1.6%، وبكده هيكون ارتفع في كل أسابيع التداول من بداية سنة 2025.

وقالت كمان جولدن بيليون، إن من أسباب ارتفاع أسعار الدهب مع السنة الجديدة، هو ارتفاع الطلب عليه الملاذ الآمن في الأسواق المالية بسبب المخاوف من تهديدات الرئيس الأمريكي دونالد ترامب بالتعريفات أو الرسوم الجمركية.

التقرير الأخير اللي قدمته وحدة أبحاث بانكير كان بخصوص رحلة صمود الجنيه المصري وشرحت الأسباب لقوة العملة المصرية منها  السياسات النقدية الحكيمة اللي بيتبعها البنك المركزي المصري اللى بيشتغل على إدارة السيولة في السوق بشكل متوازن..  وده بيساعد في الحفاظ على استقرار سعر الصرف.. كمان المركزي بيستخدم أدوات زي سعر الفائدة للتحكم في التضخم وتحقيق استقرار الأسعار.

وزاد التقرير إن التعاون مع المؤسسات المالية الدولية كان ليه أثر كبير في قوة الجنيه زي صندوق النقد الدولي واللي أعلن إنه توصل لاتفاق على مستوى الخبراء بخصوص المراجعة الرابعة لبرنامج تسهيل الصندوق الممدد مع مصر وده ممكن يتيح صرف 1.2 مليار دولار.. والاتفاقيات دي بتساعد في تعزيز الاحتياطيات النقدية ودعم الاقتصاد المصري.

ومن أسباب قوة الجنيه هو تنويع مصادر النقد الأجنبي.. ومصر بتشتغل على زيادة الصادرات وجذب الاستثمارات الأجنبية وده بيساهم في زيادة تدفقات النقد الأجنبي للبلد.. كمان قطاع السياحة بيلعب دور مهم في توفير العملة الصعبة ومع تحسن الأوضاع العالمية السياحة في مصر بدأت تنتعش تاني.

ومن اسباب استقرار سوق الصرف السيطرة على التضخم.. البنك المركزي بيشتغل على خفض معدلات التضخم من خلال سياسات نقدية فعّالة وده بيساهم في تعزيز قوة الجنيه المصري.. واستقرار الأسعار بيدي ثقة أكبر للمستثمرين والمواطنين في العملة المحلية.