غاية التعليمية يكتُب.. بعد صفقة رأس الحكمة بالبحر المتوسط الشركات الإماراتية بتستعد لصفقة ضخمة في البحر الاحمر.. ايه حكاية المشروع الجديد وازاي هيعمل انقلاب في التدفق السياحي لمصر. 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

 
الامارات من أكبر المستثمرين في مصر بعد صفقة رأس الحكمة في الساحل الشمالي واللي هتصول اجمالي قيمة الاستثمارات في الصفقة 150 مليار دولار مع انتهاء المشروع ودي مكانتش أول ولا آخر الصفقات الإماراتية في مصر مع التوجه الرسمي في الامارات بدعم الاقتصاد المصري بصفة مستمرة من خلال المكاسب المشتركة في المشروعات المشتركة وتوجيهات قيادة الامارات الدائمة بتوسيع وتعزيز نطاق العلاقات مع مصر واللي شهدت تطورات كبيرة من أيام الشيخ الراحل زايد آل نهيان ولغاية دلوقتي في عهد الشيخ محمد بن زايد..

طيب ايه الصفقة الإماراتية الجديدة في مصر ؟
شوف ياسيدي القطاع السياحي المصري من اكتر القطاعات الاقتصادية اللي بتجذب الاستثمارات الأجنبية وخاصة العربية زي الاستثمارات الإماراتية والسعودية والكويتية والقطرية لانه قطاع واعد ومليان فرص مع الزيادة المضطردة في تدفق السياح وتوقعات بوصول العدد لأكتر من 30 مليون سائح خلال 5 سنين على الأكثر والسياحة مش بس مجرد سياح بتيجي وتقضي كام يوم وتمشي لكن دي صناعة شاملة بكل معنى الكلمة وبتعتمد على صناعات تانية كتير وقطاعات خدمية زي شبكة الطرق والمطارات وشركات الطيران والسفر وشركات الضيافة والموانئ والفنادق والمنتجعات والعامل البشري اللي بيشغلها والصناعات المغذية للقطاع السياحي زي قطاع الأغذية والمطاعم والمشروبات وغيرها من الصناعات وكل القطاعات المساعدة دي بتشتغل من  ورا السياحة ونشاطها وارباحها بتزيد مع انتعاش الحركة السياحية وعشان كده دايما بنقول إن السياحة هي قاطرة الاقتصاد لأنها بتشغل عشرات القطاعات التانية.

وفي الساعات الأخيرة تم الكشف عن مشروع اماراتي ضخم بعد الإعلان عن ‏حصول شركة إعمار الإماراتية على قطعة أرض بمساحة 2000 فدان في خليج سوما على البحر الأحمر والشركة الإماراتية الشهيرة بتخطط لاستنساخ تجربة مراسي الشهيرة بالساحل الشمالي وإنشاء منتجع سياحي فاخر بتصميمات من كبار المعماريين العالميين وحسب المعلومات من المقرر إطلاق المشروع قبل نهاية العام الحالي 2055  والمشروع الجديد زي ما بيتقال هيتحول لجوهرة البحر الأحمر وهيساهم في تنمية سوما باي وتعزيز مكانة مدينة سفاجا على خريطة الاستثمارات والسياحة العالمية، بالإضافة إلى توفير آلاف فرص العمل لأبناء الصعيد وتشغيل صناعات تانية في المنطقة.

المشروع  الجديد بيساوي مرة ونصف مساحة منتجع مراسي الحالية ودا بيخليه أضخم مشروع سياحي للشركة في مصر لغاية دلوقتى وهيتم تطويره بأعلى المعايير العالمية وهيضم أفخم العلامات الفندقية العالمية ودا طبعا هيعزز مكانة مصر كوجهة سياحية فاخرة على مستوى العالم .. ورغم إن الشركة مااعلنتش لسه عن حجم الاستثمارات في المشروع لكن سبق واكدت انها هتزود استثماراتها في مصر ل25 مليار دولار مقارنة ب18 مليار دولار حاليا وهتضخ 7 مليار دولار إضافية في السوق المصري.