غاية التعليمية يكتُب.. ايه اللي بيحصل في العالم والأسواق الدولية.. وياترى ترامب ناوي على إيه تاني.. وازاي مصر قدرت تنجو من الفخ الامريكي.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

زي ما شفنا الرسوم الجمركية اللي فرضها الرئيس الأمريكي دونالد ترامب ولعت الدنيا ودول كتير رفضت القرار ده لأنه بيهدد الاستقرار الاقتصادي العالمي والاتحاد الأوروبي طلع بيان رسمي بيحذر فيه من تأثيرات سلبية على التضخم والتجارة الدولية لأن الرسوم دي معناها إن أسعار المنتجات هتزيد والتجارة بين الدول هتتباطأ وده هيأثر على الاقتصاد العالمي كله.

أورسولا فون دير لايين رئيسة المفوضية الأوروبية قالتها بصراحة مش هنقف نتفرج وأكدت إن بروكسل هترد بقوة لحماية المصالح الاقتصادية للدول الأعضاء والاتحاد الأوروبي كله بيخطط لرد قوي يحمي السوق الأوروبية من أي تأثير سلبي للقرارات الأمريكية..

فرنسا مش هتسكت ووزير الصناعة الفرنسي طالب بموقف أوروبي موحد ضد قرارات ترامب ووزير الخارجية الفرنسي قال إن بلاده هتدفع الاتحاد الأوروبي للتحرك فورًا وفرنسا شايفة إن القرارات دي مش هتأثر بس على أوروبا لكن كمان على صناعاتها المحلية اللي ممكن تواجه صعوبات كبيرة.

أما ألمانيا فبتتكلم عن رد سريع ومباشر والمستشار الألماني أولاف شولتس قال إن أوروبا تقدر ترد في خلال ساعة واحدة لو ترامب نفذ قراره بشكل رسمي ومنافسه السياسي ميرتز أكد إن لازم أوروبا تبقى متحدة قدام القرار ده لأن التأثير مش هيكون بسيط.

كوريا الجنوبية على الخط  ومش هتسكت ووزير التجارة هناك قال إن الرسوم الجمركية هتقلل الطلب على الصلب والألومنيوم في أمريكا لكن في نفس الوقت الشركات الكورية بتدور على أسواق جديدة تعوض الخسائر وكوريا مستعدة ترد لو لزم الأمر.

أما كندا فبتخطط للخطوة الجاية ورئيس الوزراء الكندي جاستن ترودو أكد إن بلاده مش هتسكت على أي قرارات تضرب اقتصادها وقال هنرد بقوة لو لزم الأمر.

مصر زي اي دولة في العالم اي قرارات تأثر على السوق العالمي هيكون ليها تأثير مباشر على مصر خاصة أن الحكومة المصرية لسه بتستورد بأرقام كبيرة من الخارج وارتفاع الأسعار معناه مزيد من التضخم في الأسواق المصرية..

 لكن خلونا نأكد أن مصر قدرت تنجو من الكارثة على قد ما تقدر من خلال تأمين مواردها الغذائية وتكوين احتياطي استراتيجي كبير من كل السلع الاستراتيجية وخاصة القمح ولو فاكرين من اول ما أترشح ترامب في انتخابات الرئاسة الأمريكية ومصر عقدت صفقات ضخمة لاستيراد الحبوب لأنها كانت عارفة إن تصريحات ترامب وسياساته العنترية هتولع الأسواق العالمية.

كمان مصر قدرت تتوسع في إنتاج الغذاء من خلال استصلاح ملايين الأفدنة الجديدة ومن خلال توطين الصناعة وتقليل الاعتماد على الاستيراد وهي خطوة قربت تجني ثمارها وكمان عملت شراكات اقتصادية مع دول كتيرة هتجنبها الأزمات الاقتصادية الكبرى في العالم.

باختصار الوضع صعب والعالم كله مستني يشوف رد الفعل الأمريكي .. وهل ترامب هيكمل في قراراته ولا الضغوط الدولية هتخليه يراجع نفسه الأيام الجاية هتكشف لنا الحقيقة.