غاية التعليمية يكتُب.. زمان كنا بنسمع  كتير عن دول حققت المعجزة وقدرت توصل لصفر ديون.. طب هل مصر ممكن تحقق ده؟ وإيه قصة مبادلة الديون اللي الحكومة بتفكر فيها؟ وهل ده الحل السحري اللي هيخلينا نودّع كابوس الديون للأبد؟

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في البداية كده على طول .. هل ممكن نوصل لصفر ديون؟

“صفر ديون” مش هدف في حد ذاته لأن أي دولة بتحتاج تمويل لمشاريعها الكبيرة بس المهم هو إن الدين يكون تحت السيطرة وما يأثرش على الاقتصاد أو يسبب ضغط على الموازنة العامة.. ودول كبرى زي أمريكا والصين وبريطانيا وألمانيا بتستلف وبتاخد برامج تمويل من مؤسسات دولية مختلفة.. و دلوقتي مصر بتشتغل على تحسين ملف الديون عشان تقلل الضغوط وتخلق مساحة مالية أكبر للاستثمار.

طب الحكومة بتفكر في إيه عشان تقلل الديون؟

واحد من الحلول اللي الحكومة بتدرسها حاليًا هو مبادلة الديون بالاستثمارات.. وده معناه إننا بدل ما نسدد الديون نقدًا.. بنحولها لاستثمارات في مشاريع تنموية جوه البلد.. الفكرة هنا إننا بدل ما نصرف فلوس على سداد الديون نستخدمها في تمويل مشروعات تدرّ عائد اقتصادي وتخلق فرص شغل جديدة.

وإيه موضوع تبادل العملات اللي الحكومة بتفكر فيه؟

الحكومة بتسعى لتوسيع الاتفاقيات اللي بتسمح بالتجارة باستخدام العملات المحلية بدل الدولار.. وده معناه إننا نستورد من دول زي الصين أو روسيا بالجنيه المصري أو بعملاتهم المحلية.. بدل ما نضغط على احتياطي الدولار اللي عندنا. الطريقة دي بتقلل الطلب على العملة الصعبة وبتساعد في تخفيف الضغوط على الجنيه.

طب إيه الفايدة من تبادل العملات ومبادلة الديون بالاستثمارات؟

فيه فوايد كتيرة طبعا لتبادل العملات المحلية أولها تقليل الضغط على الدولار.. و لما نشتري ونبيع بعملات محلية، بنقلل الحاجة للدولار وده بيساعد في استقرار سعر الصرف.. كمان تخفيف عبء الديون.. لأن لما نتفق مع الدول الدائنة على إن جزء من ديوننا يتحول لاستثمارات عندنا بنقلل المديونية الخارجية.. بالاضافة لكده كمان جذب استثمارات جديدة.. لأن لما نستخدم التمويل المستدام والمبادلات المالية بنقدر نوفر موارد أكتر للتنمية.

وهل الحلول دي كفاية؟

الحقيقة إن الموضوع مش مجرد تبادل عملات أو مبادلة ديون لكن لازم يكون عندنا استراتيجية متكاملة بتشمل زيادة الصادرات  لأن كل ما صدرنا أكتر كل ما  دخلنا عملة صعبة أكتر.. بالاضافة الى العمل على جذب الاستثمارات الأجنبية عشان الفلوس اللي داخلة تكون أكتر من اللي خارجة.. مع طبعا تعزيز الإنتاج المحلي وتقليل الاستيراد عشان ما نعتمدش على الخارج بشكل كبير.

كل اللى لازم تعرفه ان مصر شغالة على أكتر من محور عشان تقلل الديون وتخفف الضغوط الاقتصادية..  لكن الوصول لصفر ديون مش هو الحل السحري المهم هو إن الدين يكون في مستوى آمن وما يأثرش على الاقتصاد.