غاية التعليمية يكتُب.. مصر مستنية أكتر من حدث اقتصادي ومالي مهم جدا في الأيام العشرة الجايين.. ياترى إيه اللي هيحصل فيهم وإيه الأحداث دي وليه الأسواق واقفة على رجل واحدة.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

شفنا اللي بيحصل في الأسواق العالمية بعد قرارات ترامب الجنونية وتأثير دا على الاسواق الدولية وعلى حركة التجارة وأسعار السلع عالميا طبعا ومصر مش بعيدة عن اللي بيحصل دا لانها في قلب العالم وجزء كبير من السلع الاساسية بتيجي استيراد والدولة بتدفع فيها دولارات كتير وأي زيادة جديدة معناها تكلفة كبييرة وضغط على سوق الصرف والمعروض من الدولار في وقت مصر بتتعافي من الأزمات اللي في المنطقة.

طيب ليه بنقول إن الأيام الجاية صعبة وحاسمة؟
لأن الأسواق المصرية بدأت تحس وتتأثر بالأحداث العالمية والنهاردة مثلا جرام الدهب زاد 70 جنيه مرة واحدة بسبب الارتفاع العالمي في سوق المعدن الأصفر وهكذا ولأن بعد 10 أيام تقريبا لجنة السياسة النقدية هتعقد أجتماعها لبحث سعر الفايدة ودا لوحده حدث مهم جدا لأن كل الأسواق مستنية القرار.

يعني مثلا لو الفايدة نزلت الشركات هتشتغل وتنعش وتحديدا شركات التطوير العقاري ومواد البناء ودا هيكون ليه تأثير إيجابي على الأسواق وكمان هيشجع الاقتراض الشخصي للأفراد لان الفايدة لما تنزل تكلفة الاقتراض هتقل وهكذا.

كمان مصر بعد 18 يوم تقريبا هتستقبل شهر رمضان المبارك وز ما احنا عارفين دا شهر كريم والانفاق فيه بيضاعف والمصاريف بتزيد بشكل كبير جدا وبعديه العيد وبالتالي مصاريف أكتر وضغط على الأسر وعشان كده الحكومة اتحركت بسرعة والقومي للأجور رفع الحد الأدني للمرتبات ل7 الاف جنيه في القطاع الخاص ودا غير حزمة حماية كبيرة الدولة بتحضرها عشان تعرضها على الرئيس السيسي لاقرارها الفترة الجاية.

كمان الأيام الجاية هتحدد اتجاه ومسار قطاعات اقتصادية كبيرة وخاصة في الاستثمارات والناس هتبدأ تختار بين انواع الاستثمار اللي هتحط فيها فلوسها بين الدهب والعقار أو شهادات الادخار واللي الناس مستنية قرار المركزي عشان تشوف قرارات البنوك بخصوص الشهادات دي وإيه اللي هكون أنسب من حيث الاستثمار.

مصر في الايام الجاية هتكون في حالة شد أعصاب كبيرة بخصوص الأوضاع اللي حولينا والتطورات والتصريحات اللي بتطلع كل شوية من بلد شكل وتأثيراتها الاقتصادية على مصر يعني مثلا مصر بتحاول تثبت الهدنة في غزة عشان حركة الملاحة ترجع كاملة في قناة السويس ومعاها ترجع مليارات الدولارات اللي الدولة خسرتها بسبب التواترات في البحر الأحمر..

الخلاصة فيه ملفات كتير مفتوحة في مصر وهتتحسم في الكام يوم اللي جاي وهيكون ليها تأثيرات مباشرة على حياة الناس والمعيشة.. لكن الأمور في العموم رايحة ناحية القمح وليس الشعير زي مابيقول المثل يعني اللي جاي خير.