غاية التعليمية يكتُب.. صناعة الدواء وحدة من الصناعات المهمة اللي بتدخل مليارات الدولارات لمصر... ياتري ازاي الدولة بتطور صناعة الدواء.. واي اهداف مصر من تطوير صناعة الدواء.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الدواء واحد من الحاجات المهمة جدا لأي دولة في العالم، ومفيش مواطن يقدر يستغني أو عن علاجه، والدول بتصرف وتخصص مبالغ مالية كبيرة علشان تأمن حاجة شعبها من الأدوية والمستحضرات الطبية، ومعروف أن العلاجات والأدوية والمواد الخام اللي بتدخل في صناعة الدواء بشكل عام بتكون غالية جدا ومكلفة.

صناعة الدواء واحدة من الحاجات اللي الحكومة المصرية أنتبهت ليها في وقت مبكر، ومصر قامت بثورة كبيرة علي مدار السنين اللي فاتت في صناعة الدواء والثورة دي كانت السبب الرئيسي في عبور مصر واحدة من أكبر واهم الأزمات اللي جت في حياة البشرة وهيا انتشار فيروس كورونا المستجد واللي بسببه في عدد كبير من دول العالم اتعرضت لمهازل في توفير التأمين الطبي لشعبها، وفي عز الأزمة اللي كان بيمر بيها العالم ونقص الأدية والمستلزمات الطبية، مصر كانت بتقدم مساعدات طبية لعدد كبير من دول العالم.

طيب ازاي الحكومة طورت صناعة الدواء في مصر؟.

مع بداية تاسيس الجمهورية الجديدة، الدولة اهتمت جدا بصناعة الدواء وتم تاسيس مدينة الدواء واللي فيها بيتم تصنيع الدواء بكل أنواعه، خصوصا أن مصر علي مدار السنين اللي فاتت كانت بتخصص أرقام كبيرة من الميزانية العامة للدولة لسد حاجة السوق المحلي من الدواء علاج الأمراض المختلفة.

وزي ما أحنا عارفين أن خطة الدولة لتخفيف الضغط علي الموارد الدولارية للدولة المصرية أول بند فيها هو تشجيع الصناعة المحلية، فالدولة اهتمت جدا بتخزين المواد الخام اللي بتدخل في صناعة الدواء، وعلي مدار السنين اللي فاتت مصر بقت واحدة من اوائل واكبر الدول المصنعة والمصدرة للدواء في العالم والمنتج المصري حاليا بقي موجود في عدد كبير من دول العالم سواء كانت اجنبية أو عربية.

التوجه الأكبر من صناعة الدواء في مصر بيكون مخصص وموجة للسوق الأفريقي واللي هو سوق واعد ومستقبل لكل أنواع التصدير خصوصا أن اغلب دول قارة أفريقيا عندها نقص شديد في الموارد المائية والتصنيع واغلب اعتمادهم بيكون علي الاستيراد لمواجهة أزمات انتشار الأمراض اللي موجود عندهم.