شركات تركية جديدة هتغير خريطة مصر التصديرية.. شوف ايه الحكاية - غاية التعليمية

غاية التعليمية يكتُب.. مصر في الوقت الحالي بقت قبلة المستثمرين، وكل رؤوس الأموال الأجنبية في العالم بيحاولوا يلاقي فرصة علشان يدخلوا السوق المصري.. والمرة دي الاستثمار جاي من تركيا.. ياتري اية حكاية الاستثمارات التركية الجديدة بمصر.. والفاتورة الاستثمارية بتاعتهم هتوصل لكام.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الحوافز اللي قدمتها الحكومة لشركات ورؤوس الاموال الأجنبية خلت مصر بقت هدق رئيسي لكل الاستثمارات الأجنبية، وكل يوم في رؤوس أموال اجنبية جديدة بتدخل السوق المصري علشان تسفيد من الحوافز اللي قدمتها الحكومة سواء في تخصيص الاراضي أو تصاريح البناء والاستفادة من الرخصة الذهبية اللي بتصدرها الحكومة لبعض المشروعات دي غير كمان الاستفادة من تخفيضات الضرائب والفرص الواسعة للتصدير لاغلب دول العالم بسبب العلاقات المتميزة لمصر من دول العالم الخارجي.

طيب اية حكاية العرض التركي الأخيرة لاقامة مشروعات استثمارية جديدة في مصر ؟.
مصر مؤخرا تلقت طلب من عدد كبير من الشركات ورؤوس الأموال التركية للدخول للسوق المصري واقامة مشروعات هتعدي قيمتها 300 مليون دولار في مجال صناعة الغزل والنسيج، خصوصا أن اغلب الشركات التركية بقت متفاعلة علي السوق المصري حاليا بعد عودة التنسيق والتفاهيم بين البلدين في مجالات كتيرة جدا.

وعلشان نكون عارفين، أن عودة العلاقات السياسية اللي بقي موجودة بين القاهرة وأنقرة فتحت ابواب كتيرة من التفاهيم الاقتصادي ورفع قيمة الميزان التجاري للسلع والخدمات اللي بقي موجود بين البلدين، واللي وصلت قيمته حاليا لأكثر من 8.8 مليار دولار، والحكومتين المصرية والتركية عندهم خطة لزيادته لأكثر من 10 مليار دولار في 2025.

طيب اية رد الحكومة المصرية علي الاستثمارات التركية الجديدة اللي هتدخل السوق المصري؟.
الحكومة المصرية طبعا رحبت بالاستثمارات التركية الجديدة، وعلي طول الدكتور مصطفي مدبولي رئيس مجلس الوزراء اصدر قرار بتشكيل مجموعة عمل بموجب لمتابعة استثمارات الشركات التركية في مصر وتذليل أية عقبات هتواجههم لزيادة استثماراتهم في السوق المصري، وده بهدف تعزيز الصادرات التركية من مصر لمختلف الأسواق الدولية.

رئيس مجلس الوزراء كلف الوزارات والجهات المعنية باستقبال وانهاء اجراءات دخول الاستثمارات التركية الجديدة، بحل اي عقبات ممكن تظهر قدام الشركات ورؤوس الاموال التركية اللي عايزة تدخل السوق المصري واللي بيوصل عددهم لـ9 شركات عندهم رغبة في بناء استثمارات جديدة في صناعة الغزل والنسيج في مصر، علشان يستفادوا من الحوافز الكبيرة اللي بتقدمها مصر للمستثمرين، وكمان المواد الخام اللي موجودة في مصر واللي اهمهم القطن المصري طويل التلية واللي مفيش زيه في العالم كله، واغلب دول العالم بتستورد ملابس جاهزة من مصر بسبب جودة المواد الخام اللي بتدخل في صناعته واللي اهمها القطن.

رئيس مجلس الوزراء، أكد كمان للمستثمرين الأتراك، ان مصر مستعد لتوفير أي أراضي أو وحدات صناعية جاهزة بالتراخيص في مختلف المحافظات لإقامة مشروعات تركية جديدة بالسوق المصري أو لتوسعات الشركات التركية القائمة  بالفعل، وده ضمن خطة الحكومة لزيادة الصناعة في مصر.