استثمارات بمليارات الدولارات هتغير شكل الاقتصاد.. إيه حكاية مشروعات الطاقة الخضراء؟ - غاية التعليمية

غاية التعليمية يكتُب.. إزاي ممكن الطاقة الخضراء تغير شكل الاقتصاد المصري؟ وإزاي مصر بتخطط تكون رائدة في مجال الهيدروجين الأخضر؟ وليه المستثمرين الأجانب بيراهنوا على السوق المصري؟

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في السنين اللي فاتت، الطاقة النظيفة بقت الموضوع اللي بيدور حواليه معظم المستثمرين العالميين. والمفاجأة مصر بتكون في قلب الموضوع ده.. مصر مش بس بتعتمد على الطاقة الشمسية والرياح.. لكن دلوقتي بتسابق الزمن علشان تكون من أهم اللاعبين في سوق الهيدروجين الأخضر…والمستثمرين الأجانب زي ما شفنا في الأشهر الأخيرة مش قادرين يسيبوا الفرصة دي تمر قدامهم.

طب إيه هو الهيدروجين الأخضر وليه كل الناس مهتمة بيه؟

الهيدروجين الأخضر ببساطة هو الهيدروجين اللي بيتم إنتاجه من مصادر طاقة نظيفة.. زي الشمس والرياح. . والفكرة هنا إننا مش بننتج طاقة تقليدية تضر بالبيئة لكن بنستخدم موارد طبيعية مستدامة علشان ننتج طاقة نظيفة.. الهيدروجين ده ليه أهمية كبيرة مش بس لأنه مصدر طاقة نظيف لكن كمان لأنه عنصر أساسي في كتير من الصناعات الحيوية زي النقل والتصنيع.

ةليه المستثمرين الأجانب متوجهين لمصر؟

في السنين الأخيرة.. مصر بقت محط أنظار المستثمرين الأجانب في مجال الهيدروجين الأخضر.. وده مش صدفة.. المستثمرين شايفين في مصر فرصة كبيرة بسبب الموقع الاستراتيجي والإمكانيات الطبيعية اللي بتخليها مركز مثالي لإنتاج الطاقة النظيفة.

ومن بين الفرص دي واحدة من أهم المشاريع اللي بتشجع المستثمرين على الاستثمار في مصر هي مشاريع الربط الكهربائي مع اليونان وقبرص.. والحكومة المصرية عقدت قمة ثلاثية مع اليونان وقبرص بهدف ربط الكابلات الكهربائية اللي هتنقل الطاقة النظيفة من مصر للبلدين دول..و ده هيسمح لمصر بأنها تبقى المورد الرئيسي للطاقة النظيفة لدول أوروبا.

وفي فبراير الحالي فيه وفود مصرية بتزور البحرين والإمارات وبرشلونة علشان تروج لفرص الاستثمار في قطاع الهيدروجين الأخضر.. وفيه وفدين من عمان والصين جايين لمصر علشان يبحثوا مع المسؤولين عن الفرص المتاحة في إنتاج الهيدروجين الأخضر.

من ناحية تاني اتفاقيات ضخمة تم توقيعها في مؤتمر الاستثمار المصري الأوروبي بقيمة تتجاوز 60 مليار دولار.. دي فرصة ضخمة لمصر علشان تصبح واحدة من أكبر اللاعبين في إنتاج الهيدروجين والأمونيا الخضراء في العالم.

ومش بس المشاريع الدولية.. الحكومة المصرية بدأت تبني بنية تحتية ضخمة لدعم القطاع.. الرئيس السيسي في آخر زيارة ليه للدنمارك اتفق مع مجموعة "ميرسك" على إنشاء مخازن للهيدروجين الأخضر في محور قناة السويس..و ده هيساعد مصر أنها تكون من أولى الدول اللي تصدر الهيدروجين الأخضر بشكل مستدام لدول العالم.

وفي الوقت اللي العالم كله بيدور حوالين خفض الانبعاثات الكربونية.. مصر كمان بتستعد لمواجهة التحديات دي.. الضريبة اللي هتطبق على الدول غير الملتزمة بتقليل الانبعاثات هتدفع الشركات المصرية للتحول نحو الاقتصاد الأخضر علشان تحافظ على أسواقها في الاتحاد الأوروبي وأمريكا واليابان.

ودي فرص هابلة للشركات المصرية علشان تتوجه لإنتاج الكهرباء من الرياح، خصوصًا وإن الرياح في مصر بتصل سرعتها إلى 9.8 متر في الثانية، واللي بتخليها من أفضل الأماكن في العالم لاستخدام طاقة الرياح.. وده هيخلي مصر واحدة من أهم مراكز الطاقة النظيفة في المستقبل.