هتحل أزمات مصر وهتوفر فرص عمل لكل الشباب.. ليه الحكومة مهتمة بالمشروعات متناهية الصغر؟ - غاية التعليمية

غاية التعليمية يكتُب.. يا ترى هو إيه سر اهتمام الحكومة بالمشروعات متناهية الصغر في الفترة الأخيرة، هل بيكون ده نوع من الدعم للشباب والسيدات، ولا هو نوع من الاستثمار الاقتصادي في الشباب بطريقة غير مباشرة، وإزاي الدعم ده بينعكس على الاقتصاد المصري.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

قطاع التمويل متناهي الصغر، هو واحد من أهم القطاعات اللي بتساهم في دعم الاقتصاد بطريقة غير مباشرة، لأنه بيعتمد على تنفيذ مشروعات صغيرة بتقدر توفر فرص عمل للشباب وبالتالي بتقلل البطالة، وكمان بتحسن مستوى معيشة الناس وبتكون سبب في تحقيق التنمية.

وبلغة الأرقام، فالقطاع ده شهد نمو ملحوظ خلال السنة اللي فاتت 2024، عشان كده سجلت محفظة التمويلات حوالي 1.32 مليار جنيه، وده في حد ذاته دعم وتمكين اقتصادي للشباب وللمرأة وخطوة فب تعزيز الشمول المالي.

كمان، حجم التمويلات المقدمة للعميلات ارتفع خلال السنة اللي فاتت عشات يوصل ل 2.4 مليار جنيه، مقارنة بنحو 2.34 مليار جنيه في 2023، وده بيعكس التوسع في توفير الدعم المالي للسيدات صاحبات المشروعات الصغيرة.

ونقدر نقول إن في مؤشرات إيجابية ظهرت للمشروعات دي على أرض الواقع، لأنها لها دور كبير في توفير فرص العمل، وتحسين مستوى معيشة المواطنين، والمساهمة في تحقيق أهداف التنمية المستدامة ورؤية مصر 2030.

ومن ضمن خريطة الدعم لأصحاب المشروعات دي، افتتاح 122 فرع لمشروعات صغيرة للشباب والسيدات، بجانب إصدار أكثر من 2853 كارت ميزة جديد بالتعاون مع إحدى الجهات المصرفية، عشان يوصل إجمالي الكروت المصدرة إلى 128 ألف كارت، وده في حد ذاته يساهم في تسهيل عمليات الصرف الإلكتروني للتمويلات، ووصلت نسبة سداد الأقساط إلكترونيا ل 99%.

كمان، تم إطلاق منتجات تمويلية جديدة، زي منتج بيوفر تمويل وصل ل 100 ألف جنيه من خلال أول تعامل، وده بجانب التوسع في محافظات جديدة، بهدف دعم الشباب والسيدات الراغبات في تنمية مشروعاتهم وتحقيق الاستقلال الاقتصادي لهم.

ونقدر نقول إن المشروعات الصغيرة والمتوسطة هي المُحرك الرئيسي لاقتصاد الدولة، وبتصنف كواحدة من أهم آليات التوجه الاستراتيجي لدعم الهيكل الإنتاجي، كمان أي دولة سواء كانت نامية أو متقدمة بتحتاجها، عشان بتكون مكون أساسي في زيادة نمو اقتصادها عن طريق القطاع الخدمي والمساعدة في القطاع الصناعي كمان.

ومش بس كده، ده المشروعات دي بتكون العصب الرئيسي لاقتصاد أية دولة سواء متقدمة أو نامية، وعشان الإستثمار فيها  مربح، فالحكومة بتسعى لتعزيز وجودها، من خلال مبادرات وبرامج وأنظمة بتساعد في  تمويلها.

وكل ده بيرسم مستقبل مشرق للمشروعات متناهية الصغر ف مصر في الفترة الجاية.