هنرجع نصدر من تاني.. كنز دولاري جديد لمصر من تصدير الغاز الطبيعي - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الحكومة قالت أنه في خطة كبيرة لزيادة انتاجية حقل ظهر من الغاز الطبيعي، وأن مصر هترجع تصدر غاز طبيعي من تاني.. ياتري اية حكاية الكلام ده.. واية هيا خطة الحكومة لزيادة انتاجية حقل ظهر

من شهور طويلة وفي كلام كتير منتشر علي صفحات المواقع ووسائل الإعلام عن تراجع انتاج حقل ظهر، والكلام أن الحقل خلاص مبقاش منه فايدة، وانه خلاص شطب والدولة فشلت في استخدامه بالشكل المطلوب.
وقبل اي حاجة لازم نعرف ان الكلام ده كله فشنك زيه زي اي اشاعات طلعت علي مصر وكان الهدف منها هو زعزعة استقرار الاقتصاد المصري، وضرب الدولة المصرية في اقتصادها، وعلشان نفهم القصة لأزم نعرف أن اي حقل غاز في العالم بتيجي عليه فترات والانتاج بيتراجع بسبب نقص المخزون اللي تحت بريمات رفع الغاز من اعماق المياة للسطح، وده شئ طبيعي جدا وبيحصل في كل دول العالم.

طيب اية اللي عملته مصر علشان تنشط حقل ظهر مرة تانية؟.
مصر كان عندها مشاكل في توفير المستحقات المالية للشركات الأجنبية اللي شغالة في مصر في موضوعات التنقيب والبعث وحفر ابار الغاز الطبيعي والبترول، وتاخر المستحقات دي للاسف اضطر بعض الشركات لوقف اعمالها بصفة كلية وجزئية في مصر منهم الشركات المسئولة عن حقل ظهر.
وعلشان مصر تعالج النقطة دي بدأت توفر المستحقات المالية لكل الشركات، وفعلا اغلب الشركات رجعت واستأنفت عملها بشكله الطبيعي، وبدأت العجلة تدور مرة تانية في الإعلان عن اكثر من كشف بترولي في الاراضي المصرية.
وزير البترول والثروة المعدنية كريم بدوي قال إن حقل ظهر للغاز الطبيعي في البحر المتوسط هيشهد أعمال حفر آبار جديدة هتقوم بيها شركة إيني الإيطالية في الفترة اللي جاية علشان نزود انتاجية البير من الغاز الطبيعي .
مجلس الوزراء قال أن إجمالي الاستثمارات في الحقل وصلت لـ12 مليار دولار لحد اللحظة دي، ومن المتوقع أن توصل لـ 15 مليار في الـ3 سنين اللي جايين، وأن الشركات العاملة في البئر بدأت حفر البئر رقم 20 في الحقل باستثمارات وصلت لـ 70 مليون دولار، ومتوقع يوصل إنتاج حقل ظهر بعد اعمال الحفر الجديدة لـ 2.3 مليار قدم مكعب يوميا.
الدكتور مصطفي مدبولي رئيس مجلس الوزراء قال إن عودة حجم الإنتاج في حقل ظهر هترجع لنفس مستوياته اللي فاتت في نصف صيف 2025.