طرح أذون خزانة دولارية.. ليه مصر بتعمل كده؟ وليه دلوقتي بالذات؟ - غاية التعليمية

غاية التعليمية يكتُب.. تعرف إن مصر بتستعد لطرح مليار دولار في السوق الأسبوع الجاي؟ إزاي هتأثر الخطوة دي على الاقتصاد المصري؟ وليه مصر دلوقتي بتفكر في إصدار أذون خزانة دولارية؟ الأسئلة دي مهمة جدًا دلوقتي خصوصًا بعد ما شفنا مصر بتسعى لجمع تمويلات ضخمة في الفترة الأخيرة.. فخلينا نعرف إزاي ده هيساعد مصر في الفترة الجاية؟

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

مصر  بتستعد لطرح أذون خزانة دولارية جديدة بقيمة مليار دولار.. وده هيتنفذ الأسبوع الجاي.. الأذون دي هي حاجة شبه شهادة استثمار حكومية لكن بفترة زمنية قصيرة عادةً بتكون سنة.. الفكرة هي إن الحكومة بتجمع الفلوس دي من المستثمرين الأجانب أو المحليين وبتدفع لهم فايدة عليها خلال الفترة دي.

لكن اللي يهمنا هنا هو ليه مصر بتعمل ده؟ وليه دلوقتي بالذات؟

الإجابة هي إن فيه استحقاقات كبيرة لمصر خلال الفترة الجاية..علشان نكون واضحين، في النص الأول من السنة دي مصر هتكون مطالبة تسدد حوالي 13 مليار دولار دي ديونها الخارجية.. لو ده مش كفاية فمصر كانت عملت إصدار سندات دولية الأسبوع اللي فات وجمعت 2 مليار دولار وسط طلبات وصلت لحد 10 مليارات دولار.

طب ده معناه إيه؟

معناه إن فيه زخم كبير في السوق عايز يشتري من السندات المصرية ودي حاجة مهمة جدًا.. أما لو بصينا على تفاصيل الإصدار اللي هيتنفذ الأسبوع الجاي  هتلاقوا إن الحكومة بتعمل كده عشان سداد أذون خزانة دولارية كانت بتستحق الأسبوع الجاي بقيمة مليار و61 مليون دولار.. وده بيأكد لينا إن مصر مش بتعمل حاجة غير أنها بتعيد تمويل الديون القديمة وفي نفس الوقت بتجمع فلوس جديدة علشان تمول احتياجاتها المالية.

في نفس الوقت مش هنقدر نغفل إن مصر في انتظار موافقة صندوق النقد الدولي على الشريحة الرابعة من قرض الصندوق، لكن مع كل ده، حصلت على تمويلات خارجية بالفعل الفترة اللي فاتت، زي التمويل اللي حصلت عليه من الاتحاد الأوروبي بمليار يورو وقرضين تانيين ب 2 بمليار دولار واللي هيخدموا مصر بشكل مباشر في الفترة الجاية.

بالإضافة لكده.. عندنا قروض خارجية تانية هتكون مستحقة السنة دي.. واللي هيعملوا ضغط على احتياطات مصر من العملة الأجنبية.. علشان كده طرح أذون الخزانة بالدولار بيخلي مصر تقدر تستمر في سداد التزاماتها المالية بدون ما يحصل أي اهتزازات في الأسواق أو تأثيرات على الجنيه المصري.

أبرز ما في الموضوع كمان هو أن الأموال الساخنة اللي دخلت مصر بعد قرارات البنك المركزي في مارس وأبريل السنة اللي فاتت.. ساهمت في زيادة الاستثمارات الأجنبية في أدوات الدين المحلية، ومنها الأذون الخزانة، وبالتالي فإن مصر مش بس هتقدر تسدد الديون، ولكن كمان هتحاول تجذب المزيد من الاستثمارات وتثبيت الوضع الاقتصادي في البلاد.

لكن ده كله مرفوض بشكل ما من جانب بعض المؤسسات الدولية.. لأنهم بيتوقعوا أن جزء من  الأموال دي ممكن يخرج في الشهر الجاي، وبالتالي مصر لازم تكون جاهزة لأي اهتزازات ممكن تحصل في سعر الصرف أو العملة الأجنبية في السوق المحلي.

في النهاية رغم التحديات دي كلها.. مصر في مرحلة حساسة جدًا .. وطرح الأذون الخزانة بالدولار جزء من خطة كبيرة لتحسين الأوضاع المالية وضمان استقرار الاقتصاد المحلي.