مفاجآت بالجملة.. إيه اللي حصل في اجتماع مدبولي مع كبار المستثمرين في مصر؟ - غاية التعليمية

غاية التعليمية يكتُب.. يا ترى إيه سر التحركات الكبيرة اللي بتحصل في الحكومة دلوقتي؟ هل المطارات هتتخصخص؟ وهل الدولة فعلاً هتطرح الطرق ومحطات المياه للقطاع الخاص؟ وماذا عن أزمة الدولار؟ هل فيه خطة حقيقية للخروج منها قريب؟.. كل الأسئلة دي وغيرها كتير رئئيس الحكومة مصطفى مدبولى جاوب عليها فى لقاء مع كبار المستثمرين فى مصر .. فيا ترى قال إيه.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الدكتور مصطفى مدبولي، رئيس الوزراء كان في لقاء مهم جداً مع مجموعة من كبار المستثمرين وركز في كلامه على حاجة الدولة لزيادة الصادرات بشكل ضخم.. عشان ببساطة التصدير هو الحل السحري لسد فجوة الدولار اللي بتضغط على الاقتصاد المصري.

مدبولي قال إن برنامج "رد أعباء الصادرات" هيبدأ بشكل جديد من أول يوليو 2024 وبيخططوا يصرفوا حوالي 60 مليار جنيه على دعم الصادرات.. والفكرة هنا مش بس دعم المصدرين لكن كمان إن الدولة تلتزم إن الدعم ده يتم صرفه في نفس السنة ودي كانت شكوى كبيرة من المصنعين قبل كده.

وواحد من أهم الأخبار المهمة فى الاجتماع ده واللي خطفت الأنظار هو قرار الحكومة بطرح إدارة وتشغيل المطارات المصرية للقطاع الخاص بالشراكة مع مؤسسة التمويل الدولية.

يعني إيه الكلام ده ؟
يعني القطاع الخاص هيبدأ يدخل بقوة في إدارة وتشغيل أصول الدولة زي المطارات والطرق وحتى محطات التحلية ومعالجة المياه.. والسؤال هنا.. هل ده هيحل أزمة الاستثمارات ويجيب عوائد للدولة؟ ولا ممكن يكون ليه تأثيرات تانية على المواطن؟

في اللقاء، واحد من المستثمرين اقترح فكرة عبقرية: الحكومة تسيب إدارة قطاع الطيران بالكامل للقطاع الخاص، وتكتفي بدور المراقب والمنظم. وده معناه إننا ممكن نشوف شركات طيران جديدة بتدخل السوق، وده هيساعد في استيعاب الأعداد الكبيرة من السياح اللي بنستهدفها.

مدبولي أعلن إن مصر بتستهدف 18 مليون سائح في 2025 مقارنة بـ 15.5 مليون السنة دي.. وده معناه عائدات ضخمة بالدولار واللي ممكن تكسر حاجز 22 مليار دولار في السنة.

وبخصوص الغاز الحكومة أكدت إن الإنتاج هيبدأ يتحسن تدريجياً.. وبحلول 2025 مش بس هيتم تلبية احتياجات السوق المحلي لكن كمان هيكون فيه فائض لتوسعات المصانع.. دي نقطة مهمة جداً عشان الصناعة في مصر محتاجة طاقة أكتر ومعها فرص عمل أكتر للشباب.

مدبولي كمان أوضح إن سعر الغاز في مصر أقل من الأسعار العالمية.. وده جزء من دعم الدولة للصناعة الوطنية.. بس هل ده كفاية.. ولا لسه محتاجين خطوات أكتر لجذب الاستثمارات.

مدبولي كان صريح جداً لما قال إن 2024 كان سنة صعبة بسبب معدلات الدين العالية.. بس الأمل في 2025 لأن الحكومة بتشتغل على خفض الدين والسيطرة على التضخم لكن رجال الأعمال كان ليهم طلب واضح: خفض سعر الفائدة ده لأن ارتفاع الفائدة بيكبل الاستثمار وده طبعاً بيأثر على الاقتصاد ككل.. فهل الحكومة هتاخد الخطوة دي قريب؟