طريقة تحويل الراتب مباشرة إلى حسابك البنكي 2025 - غاية التعليمية

غاية التعليمية يكتُب.. ليه لسه بتستنى مظروف المرتب؟ وإيه اللي يخليك تضيع وقتك بين الكاش والموصلات لما ممكن المرتب ينزل لحسابك البنكي وانت في مكانك؟.. فى الفيدو ده هنتكلم عن خطوة جديدة هتغيّر حياتك في 2025، وهي تحويل المرتب مباشرة لحسابك البنكي.. خطوة بسيطة لكن بتوفر عليك وقت، مجهود، وصداع الكاش..  خلينا نفهم الموضوع أكتر بأسلوب بسيط.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

خلاص الدنيا بتتقدم والتكنولوجيا دخلت كل حاجة فى حياتنا ومينفعش فى 2024 ولسه بتقبض مرتبك بالايد.. وتقدر تغير ده بسهولة جدا.. والفكرة باختصار إن بدل ما تستلم مرتبك كاش في إيدك أو حتى شيك محتاج تروح تصرفه المرتب بينزل مباشرة على حسابك البنكي أول الشهر أو في يوم الصر..  يعني وداعًا للزحمة والطوابير والقلق من ضياع أو سرقة الفلوس.

طب ليه الحكومة والبنوك بدأوا يركزوا على الموضوع ده في 2025؟
خليني أقولك إن الموضوع مش جديد  لكن التركيز عليه زاد جدًا السنة دي بسبب التوجهات الاقتصادية الجديدة والرقمنة اللي كل العالم ماشي فيها.

مصر بتمشي بخطوات سريعة في الرقمنة وكل ما عدد الناس اللي بتستخدم حسابات بنكية يزيد كل ما الاقتصاد يبقى أقوى.. وتحويل المرتب للبنك خطوة بتساعد الناس تدخل المنظومة البنكية.. والبنك المركزي من زمان بيحاول يقلل التعامل بالكاش في السوق وده مش بس عشان الأمان لكن كمان عشان يسهل تتبع الأموال ويحارب الفساد والتهرب الضريبي.

ولما مرتبك يتحوّل للبنك ده معناه إن صاحب العمل مش محتاج يصرف وقت وجهد على الكاش أو الشيكات وأنت كموظف مش هتضيع وقتك في المشاوير

طب هتستفيد إيه لما مرتبك ينزل على حسابك البنكي؟

تعالى أقولك على شوية فوائد أولها الأمان ..بدل ما تمشي في الشارع ومعاك فلوس كتير فلوسك آمنة في البنك وتقدر تستخدمها بأي وقت من خلال الكارت البنكي أو تطبيق البنك على الموبايل..كماتن لما يكون عندك حساب بنكي تقدر تتابع كل جنيه داخل وخارج من حسابك.. يعني لو حد سحب فلوس أو دفعت حاجة أونلاين كل حاجة واضحة قدامك.

وخد بالك البنوك بتفضل العملاء اللي عندهم دخل ثابت بيتحول لحسابهم ده بيسهّل عليك التقديم على قروض أو بطاقات ائتمان.. وتقدر تقول وداعًا لمشوار البنك أو ماكينة ATM عشان تصرف المرتب الفلوس بتكون في حسابك مباشرة بمجرد ما الشركة تصرف المرتبات.

وبعض البنوك بتقدم مزايا للعملاء اللي بيتحول ليهم المرتب زي تخفيضات على القروض وخصومات في أماكن معينة أو حتى حسابات توفير بفوايد أعلى.

طب الناس اللي مش معاها حساب بنكي تعمل إيه؟

بص يا سيدي.. الحكومة والبنوك فاهمين إن مش كل الناس عندها حسابات بنكية عشان كده في حلول بسيطة زي فتح حساب بنكي مجاني ..دلوقتي معظم البنوك في مصر بتقدّم حسابات مجانية للموظفين اللي هيحصلوا على رواتبهم من خلالها.. ولو لسه مش عايز تفتح حساب تقدر تستلم مرتبك على محفظة إلكترونية مربوطة برقم موبايلك وتستخدمها في أي حاجة زي الشراء أو تحويل الفلوس

طب إيه المطلوب منك؟

لو شركتك قالتلك إن مرتبك هيبدأ يتحول للبنك كل اللي عليك تعمله إنك تفتح حساب أو محفظة إلكترونية.. والبنك هيطلب منك بطاقة الرقم القومي وإثبات عمل بسيط، وبس كده.. بعدها المرتب هيجيلك في حسابك شهريًا وأنت قاعد في بيتك.