زيادة جديدة في أسعار الشهادات الطبية للحجاج..اعرف وصلت كام - غاية التعليمية

غاية التعليمية يكتُب.. خلاص الـ3 جهات اللي بينظموا قرعات الحج في مصر، أعلنوا عن نتائج قرعة الحج، وكده كل واحد عرفه مصيره أية هل هيسافر ولا لا.. وكل الحجاج بدوأ يجهزوا نفسهم للسفر، واحد من الحاجات اللي بتكون ضرورة ومهمة للسفي هيا الشهادات الصحية.. ياتري دي اسعارها كام.. وهل حصل فيها زيادة ولا لا.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الحج واحدة من الخدمات اللي بتقدمها اكثر من جهة في مصر سواء كانت وزارة الداخلية واللي بتنظم قرعة حج الداخلية ووزارة التضامن الاجتماعي واللي بتنظم قرعة حج الجميعات الأهلية ووزارة السياحة والآثار اللي بتنظم قرعة الحج السياحي، وكل الجهات دي عندها اجراءات خاصة لتنظيم برامج الحج.

علي الرغم من اختلاف كل جهة من الجهات اللي بتنظم برامج الحج الا أنهم كلهم متفقين في حاجات معينة خصوصا الشهادات الصحية والتطعيمات اللي بتكون مطلوبة من كل الحجاج في كل الجهات، والشهادة دي لازم تكون صادرة من مستشفي حكومية معتمدة في مصر، والمستشفيات دي وزارة الصحة بتحددها قبل بفترة كبيرة علشان تدي فرصة للحجاج لتجهيز ورقهم وأمورهم قبل ما يتحدد لهم موعد السفر.

طيب اية الجديد بخصوص الشهادات الصحية المطلوبة من الحجاج السنة دي؟.

الدكتور عمرو قنديل نائب وزير الصحة أصدر قرار بتحديد سعر جديد للكشف الطبي على الحجاج المصريين لموسم الحج 2025، وده بعد ما اللجنة العليا المختصة بوضع ضوابط ومعايير موسم الحج الجديد وافقت عليه .

وزارة الصحة والسكان قررت رفع سعر الكشف الطبي للحجاج لموسم 2025 إلي 900 جنية بدلا من 750 جنيه وده سعر الكشف الطبي خلال السنة اللي فاتت، والوزارة عممت منشور بالسعر الجديد للكشف الطبي للحجاج علي كل المستشفيات الحكومية علي مستوى الجمهورية.

الوزارة أكدت في منشورها أن موعد اجراء الكشف الطبي هيكون يوميا من الساعة 8 صباحا ولحد الساعة 2 ظهرا، وقالت أنها قريب قوي هتعلن عن أسماء المستشفيات المعتمدة لتوقيع الكشف الطبي على الحجاج والقيمة المالية للكشف الطبي وهترسلهم لوزارة الداخلية علشان يتم نشره على البوابة المصرية للحج.

التعليمات الصحية اللي اقرتها الدولة المصرية السنة دي تضمنت الزامية حصول الحجاج على تطعيم الإلتهاب السحائي الرباعي، ولازم يكون التطيعم قبل السفر بمدة متقلش عن 10 أيام ومتزدش عن 5 سنين، والدكتور خالد عبد الغفار، نائب رئيس الوزراء ووزير الصحة والسكان، أكد أن وزارة الصحة والسكان قررت عمل تخفيض استثنائي لسعر لقاح الالتهاب السحائي الرباعي للحجاج من 800 جنيه إلى 670 جنيه .

طيب ازاي الناس تعرف نتيجة قرعة الحج بعد ما كل الجهات اعلنت عن نتائج القرعة؟.

الدولة المصرية أعلنت من فترة طويلة عن تدشين البوابة المصرية للحج، ودي تابعة لوزارة الداخلية وهيا المسئولة عن اجراء القرعة للجهات المنظمة للحج في مصر، ويقدر اي مواطن كان مقدم في القرعة سواء قرعة وزارة الداخلية أو قرعة حج الجميعات الأهلية أو قرعة الحج السياحي الدخول علي البوابة ومعرفة نتيجة القرعة بكل سهولة عن طريق ادخال الرقم القومي بتاعه ورقم المصنع للبطاقة الشخصية، وفي خلال ثواني معدودة هتظهر نتيجة القرعة.