ما هي الفائدة المتراكمة وكيف تستفيد منها في 2025 - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

تعرف انك ممكن تكسب فلوس وانت نايم؟ طب تعرف ان فيه بنوك لو حطيت فاوسط فيها هتتضاعف خلال فترة بسيطة؟ طب تعرف ان فيه حاجة اسمها الفايدة المتراكمة؟ إزاي الفايدة دي ممكن تغيّر حياتك؟ وليه البنوك بتستخدمها؟ والأهم، إزاي تستفيد منها صح؟

فى الأول كده خليني أقولك يعني إيه "فايدة متراكمة"؟
الفايدة المتراكمة هي لما فلوسك بتشتغل لصالحك و"تكبر" بنفسها.. يعنى  لو حوشت مبلغ في البنك البنك مش بس بيديك فايدة على الفلوس دي لكن كمان بيحسب فايدة على الفايدة اللي اتضافت عليها.. يعني لو حوشت 100 ألف جنيه بفوايد 10% سنويًا أول سنة هتكسب 10 آلاف جنيه لكن في السنة التانية الفايدة هتتحسب على الـ 110 ألف.. وده معناه إن مكسبك هيزيد كل سنة

طب ليه الفايدة المتراكمة مهمة جدًا؟
لأنها بتديك فرصة حقيقية تضاعف فلوسك على المدى الطويل الفكرة دي مش بس للبنوك أو المستثمرين الكبار.. دي لأي حد سواء بتحوش للتعليم، لشراء شقة، أو حتى علشان تعيش حياة مرتاحة بعد التقاعد

إزاي البنوك بتستخدمها لصالحك؟
البنوك في مصر بتقدم شهادات استثمار وحسابات توفير بفوايد متراكمة.. كل اللي عليك تعمله هو إنك تحط مبلغ معين وتسيبه فترة أطول عشان تكسب أكتر.. مثلًا فيه شهادات بعائد سنوي 15% أو أكتر الفايدة هنا مش بتتوقف عند العائد الأولاني.. لأ.. هي بتفضل تتراكم طول فترة الشهادة

نيجي بقا لحاجة مهمة.. إيه النصايح اللي تخليك تستفيد من الفايدة المتراكمة؟

كل ما تبدأ تحوّش بدري كل ما تستفيد أكتر.. الوقت هو السلاح الأقوى مع الفايدة المتراكمة.. حاول ما تسحبش الأرباح اللي البنك بيدفعها ليك سيبها تتضاف على المبلغ الأساسي عشان تكسب أكتر.. دور على البنك اللي بيدي أعلى عائد وبيقدم شهادات أو حسابات بفوايد متراكمة.. الفايدة المتراكمة بتشتغل بفاعلية أكبر لما تسيب فلوسك لفترات أطول زي 5 أو 10 سنين

وعشان تفهم الموضوع أكتر خلينا نضرب امثلة عملية  

لو حوشت 10 آلاف جنيه لمدة 5 سنين بفوايد 10% متراكمة.. هتلاقي فلوسك قربت لـ16 ألف جنيه.. ولو خليتها 10 سنين؟ الرقم هيزيد لـ25 ألف جنيه تقريبًا تخيل إنك بتضاعف فلوسك بمجرد إنك بتديها وقت

الفايدة المتراكمة مش بس فكرة اقتصادية.. دي طريقة تفكير مختلفة إنك تسيب فلوسك تشتغل لصالحك وتكبر مع الوقت.. سواء كنت بتحوّش للشهادات أو بتفكر في مستقبل أولادك أو حتى عايز تشتري حاجة كبيرة في المستقبل.. الفايدة المتراكمة هي صديقك الحقيقي فكر صح اختار البنك اللي يناسبك وابدأ دلوقتي.. لأن كل يوم بتأخر فيه، بتخسر فرصة لتكبير فلوسك