مشروعات هتغير خريطة مصر.. شوف مفاجأة الحكومة للمصريين في 2025 - غاية التعليمية

غاية التعليمية يكتُب.. سنة 2025، هتكون سنة مختلفة في مصر وهتكون فيها تحديدات مختلفة للدولة المصرية خصوصا في مجال استكمال البنية التحتية في مجالات النقل، ياتري اية اللي هتعمله الدولة في الملف ده.. واية ابرز المشروعات اللي هتدخل الخدمة في الفترة اللي جاية لخدمة المواطنين.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الدولة المصرية علي مدار السنين اللي فاتت عملت بنية تحتية كبيرة جدا في كل المجالات وخصوصا مجالات النقل والمواصلات، ومصر بقت في مكانة تانية بسبب المشروعات دي، ونتيجة المشروعات دي انعكست علي معدلات الاستثمار الأجنبي اللي استقبلتها مصر في السنين اللي فاتت واللي سهلت علي المستثمرين حركة النقل والتصدير، وبسببها انخفضت مده نقل البضائع بين مناطق الأنتاج ومناطق التصدير.

طيب اية اللي هتعمله الدولة في قطاع النقل في 2025؟.

قطاع النقل هتكون في ثورة حقيقة في قطاعات النقل المختلفة وعدد كبير من المشروعات هيدخل الخدمة في سنة 2025 واغلب المشروعات الجديدة هتكون لخدمة الجمهور.

وزارة النقل حاليا شغالة علي اكثر من مشروع لخدمة المواطنين واغلبهم متوقع دخوله الخدمة في 2025 وكلهم مشروعات جر كهربائى وأهمها مترو الإسكندرية والمونوريل والقطار السريع والمرحلة الأولى للخط الرابع .

في مفاجئة كبيرة هتعملها وزارة النقل للمواطنين خلال الايام اللي جاية وهو الأتوبيس الترددى الكهربائى، واللي بدأ العد التنازلي لتشغيله واللي هيكون نقلة في شكل ونوعية النقل في القاهرة وتحديدا على الطريق الدائري، وحاليا كل الناس مترقبة لشكل ونظام وأسعار الخدمات اللي هتتقدم لهم من خلال الخدمة الجديدة.

وزارة النقل في الايام اللي فاتت انتهت من تركيب الملصقات التعريفية على محطات الأتوبيس الترددي تمهيدا لتشغيله وخدمة المواطنين، وده بهدف حقن دماء المصريين علي الطريق الدائري واللي بيشهد معدل كبير من حوادث الطرق وطبعا بيكون ثمنها هما المصريين اللي طالعين علي أكل عيشهم .

وزارة النقل بتستهدف تشغيل 100 أتوبيس كهربائي بطول الطريق الدائري وهيتم الربط مع وسائل النقل التانية زي مواقف السرفيس واللي هتكون أسفل الطريق الدائري وباقي وسائل النقل المنتشرة في القاهرة والجيزة والقليوبية زي خطوط مترو الأنفقا والقطارات والسوبر جيت، وهيتم تنفيذ المشروع على مرحلتين بواقع 49 محطة على الطريق الدائري وهيكون في نوعين من التذاكر لركوب المواطنين الأول منهم هيكون مخصص لشرائح الركاب المختلفة حسب طول المسافة، أما التذكرة الثانية هتكون مرنة وهترتبط بعدد المحطات.