مفاجأة صادمة لسوق العقارات في 2025.. لو هتشتري الحق نفسك - غاية التعليمية

غاية التعليمية يكتُب.. سنة 2025 على الابواب فياتري إيه اللي هيحصل في سوق العقارات وليه خبراء التطوير العقاري بيحذروا من ارتفاع الأسعار في السنة الجديدة وايه أنسب وقت للشراء والاستثمار .. كل التفاصيل هنعرفها في الفيديو ده خليكم معانا للآخر.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

سوق العقارات شهد زيادات مضطردة على مدار 2024 ودا لأسباب كتير منها ارتفاع أسعار مواد البناء مع زيادة سعر الدولار وعشان زيادة تدفق اللاجئين من الخارج واللي رفعت أسعار إيجار الوحدات السكنية بشكل كبير ودا غير الطلب المتزايد على العقار في مصر كوجهة استثمارية لكتير من المواطنين والشركات لأن العقار استثمار طويل الأجل زي ما احنا عارفين يعني كل ما يقعد سعره بيزيد وهو وسيلة لحفظ قيمة الفلوس مع انخفاض قيمة الجنيه.

مصير أسعار العقارات ومصير السوق في 2025؟

شوف حضرتك اغلب المطورين العقاريين اتفقوا إن الأسعار هتستمر في الزيادة في السنة الجاية ودا للأسباب اللي قلنا عليها و الدكتور محمد راشد، عضو مجلس إدارة غرفة صناعة التطوير العقاري باتحاد الصناعات اتفق مع خبراء السوق إن فيه زيادة في أسعار العقارات في مصر خلال 2025 بنسب تتراوح بين 25 و30% وقال إن أسعار السوق العقاري المصري مرتبط بعلاقة طردية بسعر صرف الجنيه أمام الدولار أي إذا زاد الدولار زادت الأسعار والعكس صحيح.

 عضو مجلس إدارة غرفة صناعة التطوير العقاري قال كمان إن فيه عامل آخر مهم بيأثر بشكل كبير في أسعار العقارات وهو عامل العرض والطلب، بالإضافة إلى تأثره بأسعار الفايدة، ومعدل التضخم، وتكلفة ومدخلات البناء، وأجور العمالة، وغيرها ومثلا السوق العقاري المصري محتاج سنويا أكتر من مليون وحدة سكنية لجميع الفئات ودا بيأكد ما  نظرية إن العقار سلعة استراتيجية مرتبطة بالعوامل المحيطة.

علاقة سعر الفائدة بأسعار العقارات 

شوف يا سيدي أسعار الفايدة وارتفاعها ليها تأثير كبير على أسعار العقارات وإن الأسعار في السوق بتزيد مع ارتفاع أسعار الفايدة ودا لأن أغلب شركات التطوير العقاري بتعتمد في تمويل مشروعاتها على الاقتراض من البنوك وارتفاع سعر الفايدة معناه زيادة تكلفة إنشاء المشروعات السكنية والإدارية وبالتالي الشركات بتحمل المستهلك النهائي أو الزبون فرق التكلفة دي بخلاف هامش مكسبها ودا بيرفع طبعا السعر النهائي للوحدة والعكس صحيح لو الفايدة نزلت تكلفة الاقتراض هتقل واسعار الوحدات هتنزل.

كمان فيه سبب تاني لزيادة أسعار العقارات محدش واخد باله منه وهو إن العقار بقي استثمار ناجح للشركات العالمية والمحلية في مصر بعد ما نجحت مصر في قطاع تصدير العقار وخاصة العقار الفاخر في المدن والمناطق الجديدة زي الساحل الشمالي والعلمين الجديدة ومدن البحر الأحمر ودا بيخلي فيه حالة طلب ملح على سوق العقارات المصري.

خبراء السوق شايفين إن الوقت الحالي هو الأنسب للاستثمار في العقار مع التوقعات اللي بتقول إن سعره هيزيد في السنة الجاية 2025 فكل ما تشتري بدري كل ما وفرت فلوس ومكسبك هيزيد لما تيجي تبيع خاصه في ظل الطلب المتزايد على العقار سواء للاستثمار او السكن ودي فرصة عشان تحتفظ  بقيمة فلوسك من الانخفاض .