بعد ما وصول الدولار إلى 51 جنيه.. ايه اللي هيحصل في سوق الدهب - غاية التعليمية

غاية التعليمية يكتُب..  
الدولار كسر حاجز ال51 جنيه خلاص وناس كتير بتسأل عن مصير سعر الدهب سواء اللي اشترته وخزنته أو الناس اللي بتفكر تشتري وتستثمر.. خليكم معانا للآخر وهتعرفوا التفاصيل في التقرير  ده وبعدها خد قرارك .
 
زي ما احنا عارفين إن سعر الدولار ماشي عكس سعر الدهب في الأسواق العالمية يعني لو الدولار سعره زاد يبقي الدهب بينزل والعكس صحيح لكن الحقيقة القاعدة دي مش معترف بيها اووي في السوق المصري ودا لأن فيه عوامل تانية كتير بتتحكم في سعر الدهب منها العرض والطلب ومواسم الشراء في الأعياد والخطوبة وقرارات الفائدة في المركزي وحاجات تانية كتير وعشان كده الأسعار عندنا بتاخد اتجاه مختلف شوية..

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

طيب الدنيا رايحة على فين في الصاغة؟
الحقيقة الأسعار رايحة على سكة الصعود ودا اللي أكدته كل الدراسات والتوقعات واللي قالته المؤسسات المالية الدولية واللي اتوقعوا كمان وصول الدهب لأكتر من 3 آلاف دولار للأوقية في 2025 ودا معناه زيادة كبيرة في سعر المعدن الأصفر في مصر وجرام 21 هيعدي ال4 آلاف جنيه والاصعب إن التوقعات بتقول إن الدهب هيفضل في الصعود لنهاية 2025 وأمكن بعدها ودا لأسباب كتير جدا

أول الأسباب دي هي اتجاه البنوك المركزية العالمية لخفض سعر الفايدة ودا معناه هروب أموال كتير من البنوك للاستثمار في الدهب لانه ملاذ آمن ومربح على طول وكمان بعيد عن البنوك المركزية فيه طلب كبير من الشركات والمستثمرين والافراد الاستثمار في المعدن الأصفر للتحوط ضد أي مخاطر مالية من خفض الفايدة  وكمان فيه سبب تاني بيخلي أسعار الدهب بتزيد دايما وهي إن عمليات التنقيب عن الدهب في لعالم بقت صعبة جدا يعني الدهب نفسه بقي نادر اصلا واكبر شركة تنقيب مثلا بتحتاج 7 سنين عشان تحط المنجم على خطوط الانتاج ومع الطلب المتزايد وانخفاض المعروض الارتفاع هيستمر .

كمان الأزمات بين الصين من ناحية وبين والولايات المتحدة وأوروبا من الناحيه التانيه خلي دايما في صراع على شراء الدهب للتحوط من اي اضطرابات مالية ودا غير الصراعات الجيوسياسية في العالم واللي بتأثر بشكل كبير على أسعار المعدن الأصفر وطبعا سعره هيزيد ومع خفض الفدرالي الأمريكي لسعر الفايدة في اجتماعه الأخير واستمرار خفضها في الاجتماعات الجاية بجانب كل العوامل التانية اللي قلنا عليها سعر الدهب مكمل في الزيادة لفترة طويلة وعشان كده هيفضل الاستثمار في المعدن الأصفر من أهم وأفضل الاستثمارات.

طيب نرجع الصاغة المصرية ونقول إن كل التوقعات بتقول إن الأيام الجاية هي ايام الدهب ومع ارتفاع سعر الدولار وانخفاض سعر الجنيه هيكون فيه طلب كبير على المنقذ الأصفر ودا عشان الناس عاوزة تحافظ على قيمة فلوسها ومع توقعات خفض المركزي المصري لسعر الفايدة يوم الخميس الجاي .. والخلاصة لو معاك فلوس روح اشتري بيها دهب وشيله على جمب.